У мэтах папярэджання дарожна-транспартных здарэнняў з удзелам дзяцей, а таксама напярэдадні восеньскіх школьных канікул у Магілёўскай вобласці па 26 кастрычніка праводзіўся Тыдзень дзіцячай бяспекі.
З пачатку года на тэрыторыі Магілёўскай вобласці зарэгістраваны 42 дарожна-транспартныя здарэнні з удзелам непаўналетніх, у якіх двое дзяцей загінулі і 43 атрымалі траўмы.
На восеньскіх канікулах у дзяцей з’явіцца шмат вольнага часу, большую частку якога яны правядуць на вуліцы. Менавіта таму ў час канікул абвастраецца праблема дзіцячага дарожнага траўматызму.
Паважаныя бацькі, ведайце, што дарослыя для дзяцей заўсёды з’яўляюцца аўтарытэтам і прыкладам у выкананні ПДР. Таму вашы дзеці будуць паводзіць сябе на дарозе так, як і вы.
Запомніце некалькі простых рэкамендацый:
– знаходзячыся на вуліцы, не спяшайцеся, пераходзьце дарогу мерным крокам;
– дарогу з дзецьмі пераходзьце толькі па пешаходных пераходах, пры гэтым трымайце дзіця за руку і пераканайцеся, што транспарт уступае вам дарогу;
– пры руху ў цёмны час сутак варта абазначыць сябе і дзіця святлоадбівальнымі элементамі;
– падчас прагулак з дзецьмі тлумачце ім значэнне дарожных знакаў, разметкі, вучыце іх назіраць за дарогай і прадбачыць небяспеку.
Максім КУНДАЛЕЎ,
начальнік АДАІ РАУС.