Официальный сайт
, 19 августа 2018 года
Погода Белыничи
Информация сайта pogoda.by
Главная - Новости - Новости культуры - У кінатэатры “Зорка” адбылася цікавая імпрэза,...
31 мая

У кінатэатры “Зорка” адбылася цікавая імпрэза, прысвечаная пісьменніку і журналісту Мікалаю Давідовічу

Нарадзіўся ён у вёсцы Малыя Бортнікі на Бабруйшчыне і пасля заканчэння Гродзенскага фізкультурнага тэхнікума захацеў пабачыць “блізкі свет”. Выбар спыніўся на Бялынічах. Тут ён атрымаў першае працоўнае хрышчэнне – месца настаўніка фізкультуры ў СШ №1. Мінула паўстагоддзя, і Мікалай Уладзіміравіч зноў наведаў той горад, дзе прайшла яго жыццёвая вясна. Але ўжо як літаратар, журналіст і проста цікавы чалавек.
Нягледзячы на такі вялікі адрэзак часу, Мікалай Давідовіч захаваў у сабе цёплыя пачуцці да нашага горада, людзей, успомніў тых, з кім даводзілася перасякацца, калі асвойваўся на новым месцы.
— Нездарма ўсё ж такі вырашыў пачаць свой шлях у вялікае жыццё менавіта з Бялынічаў, — падзяліўся з удзельнікамі сустрэчы пісьменнік. – Тут жывуць асаблівыя людзі: усмешлівыя, шчырыя… А якая чысціня і прыгажосць навокал!
Для прыхільнікаў сваёй творчасці Мікалай прэзентаваў новы, дзясяты па ліку, зборнік прозы і публіцыстыкі “Падрэзанае крыло”. Аснову  яго складаюць жыццёвыя ўспаміны, аповеды пра зламаныя лёсы людзей, павучальныя гісторыі, абразкі. Чырвонай ніткай праз усю кнігу праходзіць тэма малой радзімы аўтара – вёска Бортнікі. Але за вобразамі жыхароў, выпісанымі аўтарам кароткімі і трапнымі фразамі, хаваецца жыццё кожнага з нас, нашых сяброў і суседзяў. Ёсць у зборніку і біяграфічны аповед пра Бялынічы. Аўтар прызнаецца, што толькі тут даведаўся пра творчасць мастака В. К. Бялыніцкага-Бірулі, і гэта захапленне яго карцінамі пранёс праз усё жыццё.
Мікалай Давідовіч узнагароджаны нагрудным знакам Саюза пісьменнікаў Беларусі “За вялікі ўклад у літаратуру”, з’яўляеца лаўрэатам прэмій Саюза прадпрымальнікаў Рэспублікі Беларусь (1999 г.), “Залатое пяро” Беларускага саюза журналістаў (2000 г.), прэзідэнцкім стыпендыятам у галіне мастацтва і літаратуры (2002 г.).

­­Новости РОЧС

15 августа
Каникулы – это время, когда многие ребята отправляются в детские лагеря, а кто-то поедет к бабушкам и дедушкам или просто останется дома. Возможно,...
15 августа
Пройдет совсем не много времени и позади останутся теплые летние дни. С огромными букетами цветов пойдут в школу первоклашки, чтобы узнать много...
15 августа
В рамках республиканской акции «Каникулы без дыма и огня» в гости к работникам Белыничского РОЧС пришли ребята из пришкольных лагерей Патриот и Интеллектуал.
© 2007 Белыничский районный
исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
belynrik@tut.by
  Дизайн и разработка -
«Реактивные технологии»
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00