Белыничскийрайонный исполнительный комитет
213051, г. п. Белыничи, ул. Советская, 29

Приемная: +375 (2232) 78-722

Факс: +375 (2232) 78-722

Электронная почта: belynrik@tut.by

11 апреля

У аграгарадку Вішоў прайшоў незвычайны сельскі сход

У аграгарадку Вішоў прайшоў незвычайны сельскі сход, удзельнікі якога сабралі цэлую залу гледачоў.
    На гадзінніку амаль 13.00. Самы час паабедаць. Але жыхары аг. Вішоў спяшаюцца не дадому, а ў сельскі Цэнтр культуры і вольнага часу. Сёння тут пройдзе сельскі сход, які правядуць супрацоўнікі аддзела па надзвычайных сітуацыях Магілёва. А сход няпросты – тэатралізаваны.
     Жадаючых паглядзець мюзікл было шмат — не кожны дзень у сельскую мясцовасць прыязджаюць супрацоўнікі МНС з тэатралізаванымі пастаноўкамі.
Жыхары аграгарадка актыўна запаўняюць свабодныя месцы ў зале. Раптам у дзвярах з’яўляюцца некалькі чалавек з лістоўкамі ў руках. Аказваецца, гэта кіраўнік умоўнай гаспадаркі, малады заатэхнік і бухгалтар. Жанчына з калькулятарам усю дарогу да сцэны спрабуе данесці да старшыні нейкія лічбы, але той заклапочаны зусім іншымі пытаннямі – яму трэба было абмеркаваць з насельніцтвам пытанні бяспекі жыццядзейнасці. Праўда, ніхто ў гэтых лічбах не разбіраўся, бо перад гледачамі былі не сапраўдныя прадстаўнікі ўлады, а акцёры – супрацоўнікі МНС.


    Аказалася, што сярод прысутных у зале сядзелі ўдзельнікі пастаноўкі і актыўна вялі дыскусію з “прадстаўнікамі ўлады”, якія засядалі на сцэне.
Падчас мюзікла былі закрануты найбольш значныя пытанні бяспекі жыццядзейнасці. Пад музыку сучасных песень акцёры падабралі словы, якія падыходзілі па тэматыцы да кожнай мініяцюры.­
Гледачы ўбачылі, да чаго можа прывесці неасцярожнасць пры курэнні, як паводзіць сябе падчас зімовай рыбалкі, правільна развесці вогнішча, чаму неабходна ўстанавіць у кожным доме АПА і як знайсці выхад з іншых небяспечных сітуацый.
    У зале панавала душэўная атмасфера, вішоўцы не шкадавалі апладысментаў, а самыя маленькія нават пусціліся з супрацоўнікамі МНС у скокі. Іх усмешкі і бляск у вачах далі зразумець, што выратавальнікаў з задавальненнем чакаюць зноў.
    У канцы сходу акцёраў змянілі старшыня Вішоўскага сельсавета Фёдар РЫДЗЕЦКІ, начальнік РАНС Віталь ВОРАНАЎ і начальнік раёна газазабеспячэння Аляксандр ВАРОНІН.
    Віталь Воранаў нагадаў, што жыхарам аграгарадка, дамы якіх знаходзяцца ў нізіне, трэба вызваліць падвальныя памяшканні ад рэчаў і быць гатовымі да таго, што вада можа нарабіць праблем.
­


Поделиться: