Официальный сайт
Среда, 25 апреля 2018 года
19 апреля

Галодны працуе дрэнна

Наварысты бульбяны суп, гуляш з ялавічыны і грэчка, таматы… Гэта сённяшні абед механізатараў ААТ “Бялынічы”.
— Меню мяняецца кожны дзень, — гаворыць загадчыца сталовай таварыства Тамара АНДРУЦКАЯ. — Выкарыстоўваем толькі беларускія прадукты харчавання, мясцовую гародніну і мяса. Комплексныя абеды з трох страў і вячэры гатуем з душой, строга прытрымліваемся нормаў каларыйнасці. Уся ежа збалансаваная, багатая на неабходныя для арганізма харчовыя рэчывы.
Па разліках спецыялістаў, абед для аднаго механізатара абыходзіцца гаспадарцы ў сярэднім у два з паловай рублі, вячэра танней – амаль у паўтара. Аднак такі невысокі кошт ніяк не адбіваецца на якасці, каларыйнасці і смаку страў.
— Ужо дасканала вывучылі перавагі ў ежы нашых рупліўцаў, — адзначаюць кухары Ніна АРЦЁМАВА і Анастасія ЛАМОНАВА. — Мы запаслівыя: загадзя нарыхтавалі неабходную зеляніну, гародніну. Кожны дзень нам прывозяць свежыя прадукты, хлеб. Вядома, праца механізатараў патрабуе шмат сіл, таму і есці яны павінны добра, сытна.
Без спазненняў паўнавартаснае харчаванне ў герметычных кантэйнерах, бачках і тэрмасах дастаўляецца ў поле.
— Абед на свежым паветры пачынаецца ў 12.00 і завяршаецца ў 13.00, а вячэраюць – з 15.00 да 16.00, — кажа раздатчыца Вікторыя КАПЫТКОВА. — Толькі першы сезон дастаўляю ежу работнікам сельгаставарыства. Нядаўна вывучылася на кухара-кандытара.
З самай раніцы на полі ля вёскі Старое Сяло шчыруе малады механізатар ААТ “Бялынічы” Дзмітрый ПАЛТАРАЦКІ. Толькі на некалькі хвілін ён спыняе свой МТЗ-3022 у счэпе з плугам “Квернеланд”, каб паабедаць.
— Кормяць нас добра, — гаворыць Дзмітрый. — Гарачы суп выдатна сагравае ў такое халаднаватае надвор’е. Усе стравы па-хатняму смачныя і сытныя. Ежу прывозяць своечасова, ніколі не спазняюцца, бо ведаюць, што ў пасяўную кожная хвіліна на рахунку.
КАМЕНТАРЫЙ
Станіслаў БУРКО,
старшыня райкама прафсаюза работнікаў АПК:
— Сталовыя ва ўсіх гаспадарках раёна былі своечасова падрыхтаваныя. У машынах, на якіх работнікі грамадскага харчавання развозяць абеды і вячэры, ёсць чыстая вада, мыла, папяровыя ручнікі. Сельгаспрадпрыемствы маюць магчымасць забяспечыць механізатараў разнастайнымі прадуктамі: малочнымі, мяснымі, гароднінай, садавінай. Вельмі важна, каб ежа была не толькі дабраякаснай, але і смачнай, разнастайнай, утрымлівала ўсе неабходныя спажыўныя рэчывы.
Вольга ГОЛЬЦАВА.
Фота аўтара.­

Афиша и объявления

24 апреля
26 апреля проводит прием граждан Силин И. Н.,  правовой инспектор труда организационной структурой Федерации профсоюзов Беларуси, по вопросам,...
23 апреля
Во исполнение Указа Президента Республики Беларусь от 16 декабря 2013 г. № 563 «О некоторых вопросах правового регулирования жилищных отношений»,...
19 апреля
21 апреля 2018 года  с 9.00 до 12.00 в облисполкоме  проводит прямую телефонную линию управляющий делами облисполкома Воронин Григорий...
© 2007 Белыничский районный
исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
belynrik@tut.by
  Дизайн и разработка -
«Реактивные технологии»
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00