Четверг, 28 марта 2024 года
Russian Belarusian English
Главная - Новости - Новости региона - На мэтавай пляцоўцы нашага раёна прайшла...
10 октября

На мэтавай пляцоўцы нашага раёна прайшла стажыроўка ідэалагічных работнікаў Магілёўскай вобласці

На мэтавай пляцоўцы нашага раёна прайшла стажыроўка ідэалагічных работнікаў Магілёўскай вобласці на тэму: “Развіццё вопыту работы па грамадзянска-патрыятычным выхаванні насельніцтва”.
У ёй прынялі ўдзел спецыялісты аддзелаў ідэалагічнай работы і іншыя работнікі, адказныя за ідэалагічную работу на сваіх прадпрыемствах і ў арганізацыях, з Магілёўскага, Круглянскага, Кіраўскага, Клімавіцкага, Асіповіцкага, Горацкага, Крычаўскага і Чавускага раёнаў. Сумесна з галоўнымі спецыялістамі аддзела ідэалагічнай работы, культуры і па справах моладзі райвыканкама Сяргеем УСАВЫМ і Ірынай БЯЛЯЎЦАВАЙ яны наведалі некалькі аб’ектаў Бялыніччыны.



Першым пунктам праграмы стала наведванне СВК “Калгас “Радзіма”. Сустрэчы з яго старшынёй госці чакалі з нецярпеннем, таму што вельмі хацелі даведацца, у чым сакрэт такога поспеху: сельгаспрадпрыемства з’яўляецца адным з лідараў АПК Магілёўскай вобласці. У кабінеце Аляксандра ЛАПАЦЕН­ТАВА панавала атмасфера дружалюбнасці. Кіраўнік з радасцю сустрэў гасцей, падрабязна распавёў пра ўмовы і рэжым працы ў калгасе. Яны даведаліся, што ў Вішове ўмеюць пралічваць усё да дробязей і ў той жа час не шкадуюць сродкаў на годную аплату працы работнікаў. Праўда, узамен патрабуецца строгая вытворчая і выканаўчая дысцыпліна, якая тут заўсёды была і будзе. Свой працоўны калектыў Аляксандр Міхайлавіч называе вялікай  сям’ёй. Гэта сведчыць аб тым, што кіраўнік і работнікі давяраюць адзін аднаму, а гэта самае галоўнае ў калектыўнай працы. Дзякуючы згуртаванасці, яны дасягаюць высокіх вынікаў. У СВК “Калгас “Радзіма” робіцца ўсё для людзей: маладым спецыялістам прадастаўляюць жыллё, добрым вучням – стыпендыі, работнікам – надбаўкі да заработнай платы за адказную працу. Адчуваючы моцную падтрымку, кожны сваю справу робіць сумленна.


Царква Святых Пятра і Паўла, музей і карчма, якія былі пабудаваныя на сродкі СВК “Калгас “Радзіма”, таксама пакінулі шмат уражанняў ва ўдзельнікаў стажыроўкі.
Дырэктар Вішоўскага сельскага Цэнтра культуры і вольнага часу Алена ХАРТАВА падчас дэманстрацыі прэзентацыі па грамадзянска-патрыятычным выхаванні моладзі распавяла пра дзейнасць сельскіх устаноў культуры, азнаёміла з шэрагам мерапрыемстваў, выстаў, якія на працягу года праводзяцца ў аграгарадку.
Таксама ў першы дзень работы ўдзельнікі стажыроўкі наведалі цэх па вытворчасці сыроў ААТ “Бабуліна крынка” і раённы аддзел па надзвычайных сітуацыях, дзе абмеркавалі формы і метады работы па фарміраванні асноў бяспекі жыццядзейнасці ў працоўных калектывах і з насельніцтвам раёна.


Другі дзень стажыроўкі быў не менш насычаны, чым першы. З самай раніцы ідэолагі адправіліся ў дзіцячы сад № 5. Выхавальнік Вольга НІКІФАРАВА сумесна з інспектарам ДАІ Міхаілам ФІЛЬЧАНКАМ правялі ўрок-гульню “Падарожжа ў краіну дарожных знакаў” з выхаванцамі старэйшай групы. Дзеці ўдзельнічалі ў віктарынах, гулялі ў тэматычныя гульні, адгадвалі загадкі на тэму правілаў дарожнага руху. І пад канец урока кожны атрымаў падарунак ад АДАІ РАУС. А дзеці, у сваю чаргу, падарылі ўдзельнікам стажыроўкі памятныя  сувеніры, зробленыя сваімі рукамі.
У той жа дзень стажоры наведалі раённы мастацкі музей імя В.К. Бялыніцкага-Бірулі, дзе для іх правялі экскурсію, расказалі пра ролю музея ў эстэтычным, духоўна-маральным выхаванні насельніцтва, азнаёмілі з творчасцю бялыніцкіх мастакоў Вітольда Бялыніцкага-Бірулі, Віктара АЛЬШЭЎСКАГА і Ларысы ЖУРАВОВІЧ.
Завяршылася стажыроўка наведваннем рэдакцыі раённай газеты “Зара над Друццю”. Рэдактар Міхась КАРПЕЧАНКА ў прэс-цэнтры райгазеты правёў з ідэалагічнымі работнікамі круглы стол, у час якога размова вялася пра ролю СМІ, і ў прыватнасці раённай газеты “Зара над Друццю” ў пытанні развіцця пачуцця грамадзянскага абавязку, любові да Радзімы, павагі да свайго гістарычнага мінулага, а таксама былі падведзены вынікі стажыроўкі.­

­

 

Поделиться:

Афиша и объявления

25 марта
29 марта 2024 г. в 15.00 на первом этаже в зале заседания государственного учреждения «Белыничский районный центр по обеспечению деятельности бюджетных...
18 марта
27 марта 2024 г. с 11.00 до 13.00 в кабинете № 6 Белыничского райисполкома (г.Белыничи, ул.Советская, 29) личный прием граждан и юридических лиц проведет...
18 марта
21 марта 2024 года на территории Могилевской области (в том числе Белыничского района) будет проводиться проверка системы оповещения. Возможны включения...
© 2007 Белыничский районный исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
rik@belynichi.gov.by
  Дизайн и разработка -
«Реактивные технологии»
AskerWEBТехническая поддержка сайта. ООО "AskerWeb"
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00