Официальный сайт
Вторник, 21 ноября 2017 года
30 октября

Сад, які дае прыбытак

У пладасховішчы СВК “Калгас “Радзіма” пах ад яблыкаў стаіць такі салодкі і духмяны, што пачынае кружыцца галава.  І сёлета, нягледзячы на складаныя ўмовы надвор’я, вішоўскія садаводы не засталіся без прыбытку. Дарэчы, не толькі матэрыяльнага.

На сёлетнім ураджаі яблыкаў у гэтай сельгасарганізацыі не самым лепшым чынам адбіліся веснавыя замаразкі. Частка завязей загінула, але тое, што ўдалося выратаваць, сабрана і захоўваецца для наступнай рэалізацыі.
У садзе вырошчваюць гатункі беларускай селекцыі: Імрус, Ветэран, Беларускае салодкае, Чараўніца, Алеся. Ёсць таксама і грушы – Беларуская позняя і летняя. Агульная плошча сада складае 100 га.
– Ураждайнасць у гэтым годзе не такая вялікая, як хацелася б, – кажа аграном-плодагароднінавод Мікіта БАЛАХОНЦАЎ. – У маі тэмпература паветра зніжалася і да мінус двух градусаў. А гэта  негатыўна ўплывае на завязі. Таму сёлета агульная вага ўраджаю набліжаецца да 400 тон. Але ўсё роўна ў параўнанні з іншымі сельскагаспадарчымі арганізацыямі мы выйшлі на добрыя паказчыкі.
Таксама на будучы ўраджай уплывае тое, што ў некаторых гатункаў яблыкаў узнікае перыядычнасць плоданашэння з-за перагрузкі. Даваць вялікі ўраджай кожны год такое дрэва не можа. А хімічнае прарэджванне спецыялісты гаспадаркі не    выкарыстоўваюць. Наогул, хімію ўжываюць у працы па мінімуму, бо імкнуцца зрабіць прадукт як мага больш экалагічна чыстым. Так, калі              ў айчынных гаспадарках хімічная апрацоўка праводзіцца 8-10 раз на год, то, напрыклад, у нашых суседзяў з Польшчы – больш за 20… А нітраты, так ці інакш, захоўваюцца ў пладах.
Існуе, аднак, эканамічны парог шкоднасці: у суадносінах з ім вылічваецца неабходнасць апрацоўкі ад насякомых і інфекцый.
– Збіраць ураджай нам дапамагалі вучні Вішоўскай школы, як і ў папярэднія гады. Без іх справіцца было б значна цяжэй, – распавядае Мікіта Уладзіміравіч.
Але як захаваць увесь сабраны скарб? Ланцуг адпаведных мерапрыемстваў пачынаецца яшчэ ў садзе. Бо і гніль, і цвіль з’яўляецца не на складзе, а прыносіцца менавіта з саду. Выкарыстоўваюцца фунгіцыды, якія абараняюць яблыкі ад паршы і гнілі. Для лепшага захавання з дрэў стараюцца не здымаць вільготныя плады, бо ў вільготным асяроддзі інфекцыі развіваюцца значна хутчэй. А сховішча, у сваю чаргу, адпавядае ўсім патрабаванням стандарту.
А як прыемна спелы і сакавіты яблык адправіць да сваіх спажыўцоў!­


Афиша и объявления

17 ноября
Фонд «Могилевоблимущество» извещает о проведении аукциона по продаже находящегося в собственности Белыничского района недвижимого имущества с установлением...
2 ноября
Фонд «Могилевоблимущество» извещает о проведении аукциона по продаже находящегося в собственности Белыничского района недвижимого имущества с установлением...
1 ноября
4 ноября 2017 года  с 9.00 до 12.00 в облисполкоме проведёт прямую телефонную линию управляющий делами облисполкома  ВОРОНИН Григорий...
© 2007 Белыничский районный
исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
belynrik@tut.by
  Дизайн и разработка -
«Реактивные технологии»
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00