Четверг, 28 марта 2024 года
Russian Belarusian English
Главная - Новости - Новости региона - Надзейны запас трываласці
3 августа

Надзейны запас трываласці

Вось ужо трыццаць восьмы год узорна і аддана служыць роднай зямлі, сваёй малой радзіместаршыня СВК «Калгас «Радзіма» Аляксандр ЛАПАЦЕНТАЎ.
Тады, у лютым 1981 года, заступаючы на гэту турботную пасаду, Аляксандр Міхайлавіч пра будучыя бліскучыя поспехі, уласныя і калгаса, канечне ж, нават і не марыў. На той момант галоўным для яго было аб’яднаць калгаснікаў, паставіць на ногі гаспадарку. Хоць мара, вядома ж, і была, яна жыла-цеплілася ў ягоным сэрцы з самага ранняга дзяцінства: яму вельмі хацелася, каб вяскоўцы жылі і працавалі так, як і гараджане.
І Аляксандру Лапацентаву ўдалося не толькі вывесці гаспадарку ў перадавыя ў Беларусі, але і сцерці тую псіхалагічна-побытавую мяжу паміж горадам і вёскай (сёння вішоўцам зайздросцяць многія гараджане), стварыць надзейны запас трываласці сельгаспрадпрыемства. Не на год-два, а на дзесяцігоддзі!
Гэту рэальную, канкрэтную перспектыву бачаць, адчуваюць і самі работнікі гаспадаркі.
Ці не таму ў СВК «Калгас «Радзіма» з трохсот працаўнікоў кожны трэці – малады чалавек ва ўзросце да 35 гадоў?
Ці не таму тут вельмі шмат сямейных дынастый, складваюцца новыя?
Ці не таму тут кожны трымаецца за сваё працоўнае месца? 
– Ганаруся сваім калектывам, – кажа Аляксандр Лапацентаў, кавалер ордэнаў Айчыны ІІІ ступені, Працоўнага Чырвонага Сцяга, свяціцеля Кірылы Тураўскага, заслужаны работнік сельскай гаспадаркі Беларусі, Ганаровы грамадзянін Бялыніцкага раёна, лаўрэат спецыяльных прэмій райвыканкама і Магілёўскага аблвыканкама «Чалавек года»,  уладальнік нагруднага знака Міністэрства культуры Беларусі «За ўклад у развіццё культуры Беларусі». – Ганаруся і тым, што нашы людзі сталі паважаць сябе, сваю працу, сваё рабочае месца, бо заўсёды ў нас своечасова ўзнята зябліва, з палёў усё прыбрана, яшчэ да пачатку новага года мы тэхнічна, фінансава і па ўсіх астатніх лініях гатовыя да правядзення ўсіх палявых работ. І паўсюль парадак, няма мітусні і аўралаў. Спакойна працуем у штатным рэжыме, хоць і эксперыментуем, укараняем навацыі, асвойваем сучасныя тэхналогіі па ўсіх кірунках гаспадарчай дзейнасці. Не спыняемся на дасягнутым, а крочым наперад.
…Так сталася, што з дзевяці дзяцей Міхаіла і Ганны Лапацентавых, якія кожны больш за чатыры дзясяткі гадоў адпрацавалі жывёлаводамі ў Машчаніцы і за сваю руплівасць мелі ўрадавыя ўзнагароды, толькі сын Аляксандр прадоўжыў сялянскую дынастыю. Мабыць, так распарадзілася Неба. Мусіць, такі яго лёс і такая пакліканасць: быць запатрабаваным на сваёй Бацькаўшчыне.
Міхась КАРПЕЧАНКА

­
Поделиться:

Афиша и объявления

25 марта
29 марта 2024 г. в 15.00 на первом этаже в зале заседания государственного учреждения «Белыничский районный центр по обеспечению деятельности бюджетных...
18 марта
27 марта 2024 г. с 11.00 до 13.00 в кабинете № 6 Белыничского райисполкома (г.Белыничи, ул.Советская, 29) личный прием граждан и юридических лиц проведет...
18 марта
21 марта 2024 года на территории Могилевской области (в том числе Белыничского района) будет проводиться проверка системы оповещения. Возможны включения...
© 2007 Белыничский районный исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
rik@belynichi.gov.by
  Дизайн и разработка -
«Реактивные технологии»
AskerWEBТехническая поддержка сайта. ООО "AskerWeb"
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00