Официальный сайт
Пятница, 19 апреля 2019 года
Погода Белыничи
Информация сайта pogoda.by
Главная - Новости - Новости региона - Сустрэча мужнасці, памяці і смутку
11 февраля

Сустрэча мужнасці, памяці і смутку

У пятніцу адбылася традыцыйная сустрэча воінаў-інтэрнацыяналістаў Бялыніччыны з кіраўніцтвам райвыканкама.
У зале пасяджэнняў сабраліся каля сарака членаў раённай арганізацыі РГА “Беларускі саюз ветэранаў вайны ў Афганістане” на чале са старшынёй яе Віктарам ПАДОЛЬСКІМ.
Са шчырымі словамі падзякі і пажаданнямі з нагоды юбілейнай даты – 30-годдзя вываду абмежаванага кантынгенту савецкіх войск з Афганістана і надыходзячага Дня памяці воінаў-інтэрнацыяналістаў да “афганцаў” звярнуліся старшыня райвыканкама Анатоль ШЧУПЛЯНКОЎ і ваенны камісар Бялыніцкага і Круглянскага раёнаў Мікалай ГАМОЛКА.

– Тры дзясяцігоддзі таму апошнія салдаты пакінулі тэрыторыю Афганістана і тым самым паклалі канец вайне, якая доўжылася больш за дзевяць гадоў. Гэта дата стала сімвалам мужнасці і стойкасці тых, хто ў мірны час сумленна выконваў свой воінскі і інтэрнацыянальны абавязак. Колькі ні прайшло б часу, Афганская вайна, якая забрала жыцці 15 тысяч салдат, – у спісе іх і ўраджэнцы Бялынічаў – Генадзь БЕЛЬСКІ, Міхаіл ЗАЙЦАЎ і Міхаіл ЛАПО, назаўжды застанецца ў памяці народа, – адзначыў у сваім выступленні Анатоль Шчуплянкоў.
Ён пажадаў воінам-інтэрнацыяналістам моцнага здароўя, дабрабыту і мірнага неба над галавой, а памяць загінулых на вайне землякоў ушанавалі хвілінай маўчання.
За актыўную працу па ваенна-патрыятычным выхаванні моладзі, а таксама ў сувязі з Днём памяці воінаў-інтэрнацыяналістаў Ганаровай граматай райвыканкама  быў узнагароджаны Уладзімір КАРПУХІН. А Ганаровай граматай раённага Савета дэпутатаў за шматгадовую плённую грамадскую дзейнасць, актыўную працу па ваенна-патрыятычным выхаванні моладзі і ў сувязі з 30-годдзем вываду савецкіх войск з Афганістана ўшанаваны Аляксандр ЮШКЕВІЧ.
Падчас урачыстай сустрэчы Мікалай Гамолка ўручыў Віктару Падольскаму і Аляксандру Юшкевічу юбілейныя медалі “100 год Узброеным сілам Рэспублікі Беларусь”, а таксама “30 год вываду савецкіх войск з Афганістана”. Дарэчы, апошнюю атрымалі ўсе прысутныя ў зале воіны-інтэрнацыяналісты.
­­
Пасля цырымоніі ўзнагароджання ўдзельнікі мерапрыемства ўсклалі кветкі да помніка ў Лунным парку, а затым дэлегацыя накіравалася ў Магілёў для ўдзелу ў рэгіянальнай сустрэчы воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў.
Дарэчы, з нагоды юбілейнай даты, інфармацыйнае агенцтва “Магілёўскія ведамасці” выдала кнігу “Афганістан. Старонкі мужнасці”, у якой размешчаны нарысы пра воінаў –“афганцаў”, іх успаміны пра ваенныя будні, фотаілюстрацыі, дакумен­ты.
Марыя ШУТ.­
Фота аўтара
­

Афиша и объявления

18 апреля
25 апреля 2019 г. в зале заседаний отдела по образованию Белыничского райисполкома в рамках общереспубликанского мероприятия «ЕДИНЫЙ ДЕНЬ ЗАНЯТОСТИ»...
3 апреля
Во исполнение Указа Президента Республики Беларусь от 16 декабря 2013 г. № 563 «О некоторых вопросах правового регулирования жилищных отношений»,...
© 2007 Белыничский районный
исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
belynrik@tut.by
  Дизайн и разработка -
«Реактивные технологии»
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00