Дзень грамадзянскай абароны. Падрыхтаваліся тэарэтычна і практычна

У мінулую суботу ў райцэнтры прайшло традыцыйнае маштабнае мерапрыемства – Дзень грамадзянскай абароны.
У гарадскім парку Ліпавы гай сабраліся шаснаццаць каманд санітарных і добраахвотных пажарных дружын арганізацый, прадпрыемстваў і ўстаноў раёна, каб у чарговы раз даказаць, што ў выпадку ўзнікнення надзвычайнай сітуацыі яны гатовы яе своечасова ліквідаваць.
Адкрыць мерапрыемства ўрачыстым узняццем Дзяржаўнага сцяга Беларусі далі магчымасць прадстаўнікам каманд-пераможцаў леташніх спаборніцтваў – ПМК № 241 і СВК “Калгас “Радзіма”.
Распачаўся Дзень грамадзянскай абароны з прадстаўлення тушэння ўмоўнага пажару, якое прадэманстравалі супрацоўнікі РАНС. Ва ўдзельнікаў і гасцей мерапрыемства была магчымасць наглядна ўбачыць, з якой хуткасцю гарыць пенапласт, якім сёння ўцяпляюць практычна кожны дом.

Перад пачаткам спаборніцтваў старшыня арганізацыйнага камітэта Дзмітрый ДАВЫДАЎ пажадаў удзельнікам іх поспехаў і добрага настрою на перамогу. І пасля правядзення лёсавання каманды па чарзе праяўлялі свой прафесіяналізм і аператыўнасць.
Удзельнікі добраахвотных пажарных дружын ратавалі ўмоўна пацярпелых, пераадольвалі на сваім шляху перашкоды, каб як мага хутчэй дабрацца да гарачага полымя і ліквідаваць яго. А прадстаўнікі санітарных фарміраванняў дэманстравалі свае веды па медыцынскай падрыхтоўцы, тэарэтычна і практычна адказвалі на пытанні білетаў.
Завяршыўся Дзень грамадзянскай абароны урачыстым узнагароджаннем пераможцаў спаборніцтваў.
Самай дасведчанай у сферы медыцыны аказалася санітарная дружына аддзела па адукацыі райвыканкама. Другое месца ў каманды ПМК № 241, трэцяе – дома-інтэрната для састарэлых і інвалідаў.

Па выніках спаборніцтваў сярод добраахвотных пажарных дружын не было роўных прадстаўнікам ПМК № 241. На другім і трэцім месцах – аддзел па адукацыі райвыканкама і раён газазабеспячэння.
Лепшай санітарнай дружынніцай сёлета прызнана прадстаўніца каманды ПМК № 241 Алеся ПАДАБЕД, а ратавальнікам – работнік СВК “Калгас “Радзіма” Уладзімір ДУДАРАЎ.
Сярод механізаваных аварыйна-ратавальных звенняў перамогу атрымала каманда БУКП “Жылкамгас”.
Пераможцы спаборніцтваў ўзнагароджаны дыпломамі райвыканкама і грашовымі прэміямі.
Паказаўшы свае годныя выступленні, бялынічане ў чарговы раз даказалі, што гатовы прадухіліць нават самыя маштабныя аварыйныя сітуацыі. Таму смела можна сцвярджаць, што наша малая радзіма пад надзейнай абаронай.

Марыя ШУТ

Выніковы пратакол спаборніцтва сярод добраахвотных пажарных дружын

Назва арганізацыі, прадпрыемства, установы	Эстафета	Канат	Выніковае месца
ПМК № 241	1	1	1
Аддзел па адукацыі райвыканкама	2	4	2
Раён газазабеспячэння	8	2	3
ДЛГУ “Бялыніцкі лясгас”	10	3	4
Райвыканкам	6	8	5
ААТ “Новая Друць”	3	16	6
СВК “Калгас “Радзіма”	4	16	7
ААТ “ПМК № 82 Вадбуд”	5	16	8
Аўтапарк № 7	13	8	9
Аддзел ідэалагічнай работы, культуры і па справах моладзі райвыканкама	14	8	10
БУКП “Жылкамгас”	7	16	11
ДРБУ № 170	15	8	12
Райспажыўтаварыства	9	16	13
Школа-інтэрнат для дзяцей-сірат	11	16	14
Дом-інтэрнат для састарэлых і інвалідаў	12	16	15
ААТ “Аграсэрвіс”	16	16	16

Выніковы пратакол спаборніцтва санітарных дружын

Назва арганізацыі, прадпрыемства, установы	Санітарная дружына	Месца
Аддзел па адукацыі райвыканкама	0	1
ПМК № 241	1	2
ДЛГУ “Бялыніцкі лясгас”	2 (у ачагах паражэння)	3
Дом-інтэрнат для састарэлых і інвалідаў	2 (без ачагоў паражэння)	3
БУКП “Жылкамгас”	6	4
Школа-інтэрнат для дзяцей-сірат	6	4
СВК “Калгас “Радзіма”	8	5
ААТ “Новая Друць”	11	6
ААТ “Аграсэрвіс”	11	6
Аддзел ідэалагічнай работы, культуры і па справах моладзі райвыканкама	13	7
Райспажыўтаварыства	13	7

← Назад

Наверх→