Официальный сайт
Суббота, 17 августа 2019 года
Погода Белыничи
Информация сайта pogoda.by
Главная - Новости - Новости региона - Стажыроўка ідэалагічных кадраў Магілёўскай...
13 августа

Стажыроўка ідэалагічных кадраў Магілёўскай вобласці прайшла на базе Бялыніцкага і Круглянскага раёнаў

Двухдзённая стажыроўка ідэалагічных кадраў Магілёўскай вобласці прайшла 8-9 жніўня на базе Бялыніцкага і Круглянскага раёнаў.
Варта адзначыць, што ідэалагічныя работнікі з усёй вобласці часта завітваюць у Бялынічы. Ёсць у нас чаму павучыцца і што паказаць гасцям, калегам.
Тэмай гэтага мерапрыемства стала развіццё вопыту арганізацыі ідэалагічнай работы ў сістэме выхавання любові да малой радзімы, грамадзянскай пазіцыі і патрыятызму.
Напачатку перад стажорамі выступіла намеснік старшыні райвыканкама Ірына ФУРСАВА. Яна распавяла аб знакавых падзеях, якія адбываюцца ў нашым раёне, дасягненнях, аб’ектах сацыякультурнай і вытворчай сфер, што маюць вялікае значэнне для жыхароў Прыдруцкага краю, аб тым, якія ўмовы створаны для замацавання ў раёне маладых спецыялістаў. Таксама яна зрабіла акцэнт на тым, што ў наш раён вяртаюцца на працу яго ўраджэнцы, а гэта значыць, праца па выхаванні любові да малой радзімы дае свой плён.
Аб тым, як наладжана ў раёне ідэалагічная работа, распавяла начальнік аддзела ідэалагічнай работы, культуры і па справах моладзі райвыканкама Іна ІГНАТОВІЧ.
Бібліятэкар раённай бібліятэкі Алена ГРЫБАЙЛАВА пазнаёміла ўдзельнікаў стажыроўкі з творчым праектам “Таямніцы малой радзімы”, які рэалізуецца падчас правядзення штомесячных дзён інфармавання. Яна адзначыла, што дзякуючы гэтым гістарычным нататкам у жыхароў нашага раёна павысілася цікаўнасць да гісторыі роднага краю.
З прыгожымі творчымі нумарамі выступілі перад гасцямі маладыя супрацоўнікі раённага Цэнтра культуры.
Наступным пунктам наведання ідэолагаў стала праваслаўная царква ў гонар Бялыніцкай іконы Божай Маці. Прыхаджане храма правялі для іх тэматычную экскурсію і распавялі аб рэлігійным жыцці Бялыніччыны з далёкай мінуўшчыны па сённяшні час.
Не менш цікавым было знаёмства з ідэалагічнай работай, якая праводзіцца ў БУКП “Жылкамгас”. Гэта прадпрыемства зарэкамендавала сябе ўстановай высокай карпаратыўнай культуры. Перад стажорамі выступіў намеснік дырэктара жылкамгаса па ідэалагічнай рабоце Аляксандр АСІПЁНАК. Ён распавёў у тым ліку і аб магчымасцях, якія выкарыстоўвае арганізацыя, каб замацаваць работнікаў на сваіх рабочых месцах.
– Дзякуючы гаспадарчаму падыходу да арганізацыі працы асобных служб удалося знізіць шэраг выдаткаў, што ў сваю чаргу стварыла магчымасць арганізоўваць карпаратыў­ныя мерапрыемствы, сямейныя святы, спаборніцтвы па летняй і зімовай рыбалцы, матэрыяльна стымуляваць лепшых працаўнікоў, – сказаў Аляксандр Мікалаевіч.
Пабывалі ўдзельнікі стажыроўкі і ў раённым мастацкім музеі імя В. К. Бялыніцкага-Бірулі. І нават паспрабавалі свае сілы ў майстар-класе па вырабе барэльефаў, які правёў для іх Алег КАВАЛЁЎ, і стварэнні лялек-абярэгаў разам з народнай майстрыхай Ірынай КАСЦОВАЙ.
На наступны дзень для ідэалагічных работнікаў-удзельнікаў стажыроўкі прайшла не менш насычаная праграма мерапрыемстваў у горадзе Круглае.

­Святлана МАГІЛЕЎЧЫК.
Фота аўтара.

 

­

Афиша и объявления

14 августа
Прямую телефонную линию 17 августа 2019 года в Могилевском облисполкоме будет проводить управляющий делами облисполкома Воронин Григорий Александрович.
14 августа
17 августа 2019 г. проводит «прямую телефонную линию» управляющий делами райисполкома ВОЙТОВИЧ Светлана Альбертовна.
© 2007 Белыничский районный
исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
belynrik@tut.by
  Дизайн и разработка -
«Реактивные технологии»
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00