Пятница, 29 марта 2024 года
Russian Belarusian English
24 февраля

Меркаванні дэлегатаў УНС

Ірына ФУРСАВА, намеснік старшыні райвыканкама, старшыня РА ГА «Беларускі саюз жанчын»:

— VI Усебеларускі народны сход – гэта найважнейшая падзея для нашай краіны. У ім прынялі ўдзел прадстаўнікі розных рэгіёнаў, розных узростаў, сацыяльных груп і прафесій. На сходзе абмяркоўваліся актуальныя пытанні развіцця нашай краіны. У дакладзе кіраўніка дзяржавы, у выступах дэлегатаў былі закрануты ўсе сферы: ад палітыкі і эканомікі да сацыяльнай сферы і народнага адзінства. Было выказана шмат розных меркаванняў і прапаноў. Усе актуальныя пытанні былі ўлічаныя і акумуляваныя ў рэзалюцыі Усебеларускага народнага сходу. Але самае галоўнае, што гучала ў кожным выступленні, гэта тое, што Беларусь – наш агульны дом, і лёс сучаснасці і будучыні нашай краіны вырашаць нам, тым, хто тут жыве, хто тут і цяпер вучыць, лечыць, служыць, вырабляе. Кранулі за душу словы з выступлення старшыні таварыства сербска-расійска-беларускай дружбы Іваны Жыган. Працытую іх: «… маладым людзям скажу: вялікае бачыцца на адлегласці. Калі б вы прыйшлі ў наша сэрца Сербіі, на акупаваную тэрыторыю, вы б зразумелі дабраўпарадкаванасць вашых гарадоў, палёў і вёсак. Калі б вы прыйшлі ў нашы манастыры 13-14 стагоддзяў, абнесеныя калючым дротам, вы б зразумелі, што такое суверэнітэт. Памятайце, што адзінства – зарука вашага псіхафізічнага здароўя». Жадаю ўсім жыхарам Прыдруцкага краю, усім беларусам здароўя, мудрасці, спакою, міру і згоды.

Аляксандр ЮШКЕВІЧ, дэпутат раённага Савета дэпутатаў ХХVІІІ склікання, член ГА «Беларускі саюз ветэранаў вайны ў Афганістане»:

— Мяне як дэпутата асабліва хвалююць пытанні далейшага ўдасканалення штодзённай працы мясцовага кіравання і самакіравання. І вельмі добра, што цягам чарговай пяцігодкі плануецца пашырэнне паўнамоцтваў мясцовых органаў кіравання па пытаннях рэгулявання зямельных і маёмасных адносін, архітэктурнай і будаўнічай дзейнасці, павышэння іх фінансавай самастойнасці.

Запомнілася мне і разважанне Прэзідэнта аб патрыятызме, якому нельга навучыць. А можна толькі паказваць прыклады ўласнай шчырай любові да роднай зямлі, дэманстраваць сваю гордасць і гонар за дасягненні свайго народа, асабіста праяўляць беражлівыя адносіны да гістарычнай спадчыны і павагу да традыцыйных каштоўнасцяў многіх пакаленняў беларусаў.

Дзмітрый КАРПІКАЎ, намеснік старшыні камісіі па пытаннях экалогіі, валанцёрскім руху і ўстойлівым развіцці Маладзёжнага парламента пры Нацыянальным сходзе Беларусі, старшыня Вішоўскага сельвыканкама:

— Чырвонай ніткай праз даклад Прэзідэнта праходзіла думка аб тым, што наша дзяржава была, ёсць і будзе сацыяльна арыентаванай, а ў цэнтры ўвагі ўлады – чалавек, якасць яго жыцця.

Безумоўна, важнай тэмай застаецца і наша супрацоўніцтва з суседняй Расіяй, далейшае партнёрскае ўзаемадзеянне ва ўсіх сферах і галінах.

Перакананы і ўпэўнены, што ўсе тыя рашэнні, якія былі прынятыя на VІ Усебеларускім народным сходзе, пасадзейнічаюць далейшаму ўпэўненаму развіццю Беларусі, бо, па словах Прэзідэнта, бліжэйшае пяцігоддзе з’явіцца перыядам абнаўлення і ўдасканалення дасягнутага, развіцця кропак росту ў эканоміцы і ўкаранення эфектыўных механізмаў грамадства ў кіраванне краінай. Таму, калі кожны з нас будзе працаваць сумленна, то ўсё намечанае абавязкова ажыццявіцца.

­zara.by

Поделиться:

Афиша и объявления

25 марта
29 марта 2024 г. в 15.00 на первом этаже в зале заседания государственного учреждения «Белыничский районный центр по обеспечению деятельности бюджетных...
18 марта
27 марта 2024 г. с 11.00 до 13.00 в кабинете № 6 Белыничского райисполкома (г.Белыничи, ул.Советская, 29) личный прием граждан и юридических лиц проведет...
18 марта
21 марта 2024 года на территории Могилевской области (в том числе Белыничского района) будет проводиться проверка системы оповещения. Возможны включения...
© 2007 Белыничский районный исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
rik@belynichi.gov.by
  Дизайн и разработка -
«Реактивные технологии»
AskerWEBТехническая поддержка сайта. ООО "AskerWeb"
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00