Штогод па ініцыятыве ганаровага грамадзяніна Бялыніцкага раёна Уладзіміра Канаплёва ў Шклове ва ўрочышчы “Лысая гара” праводзіцца святочная сустрэча лепшых выпускнікоў Магілёўскага, Круглянскага, Шклоўскага і Бялыніцкага раёнаў.
Сёлета ўдзельнікамі своеасаблівага выпускнога балю сталі 19 ужо былых адзінаццацікласнікаў, з якіх 5 – прадстаўнікі нашага краю. Гэта – Кацярына Маклак, Інга Мазурская, Аляксей Матлахоў, Яна Макеева і Кацярына Шчацінка, якія разам з атэстатам сталасці атрымалі залатыя медалі.
Маладыя людзі прымалі віншаванні з паспяховым заканчэннем школы і падарункі. Затым для іх былі арганізаваны канцэрт з удзелам зорак беларускай эстрады, дыскатэка і феерверк.