Ланькаўскі яслі-сад №16 прыняў першых маленькіх жыхароў Прыдрутчыны. Дзейнічаюць у ім 2 групы, кожная з якіх разлічана на 12 чалавек. Першую наведваюць хлопчыкі і дзяўчынкі ва ўзросце ад 1,5 да 4 гадоў, другую – ад 4 да 6. З рабятамі тут працуюць 3 выхавацелі і 2 памочнікі выхавацеляў. Утульныя спальні, групавыя і раздзявальныя пакоі абсталяваны сучаснай мэбляй. Як заўважыла загадчыца дашкольнай установы Алена Зуева, у садку створаны самыя спрыяльныя ўмовы, неабходныя для развіцця эстэтычных, фізічных і інтэлектальных здольнасцяў дзяцей, выхавання і падрыхтоўкі іх да школы.