У райаддзеле міліцыі прайшла аператыўная нарада, на якой былі падведзены
вынікі працы за мінулы год. Удзел у ёй прыняў начальнік упраўлення
фінансаў і тылу УУС аблвыканкама Аляксандр СЯРГЕЕЎ.
У сваіх дакладах выступоўцы адзначылі, што, дзякуючы
праведзенай у 2017 годзе рабоце, агульная колькасць зарэгістраваных
злачынстваў у параўнанні з папярэднім знізілася з 209 да 201, а іх
раскрывальнасць склала 75,8 %. Дасягнута станоўчая тэндэнцыя па зніжэнні
са 161 да 143 (на 11,2 %) злачынстваў, зарэгістраваных па лініі
крымінальнага вышуку. Зменшылася колькасць цяжкіх, асабліва цяжкіх і
менш цяжкіх злачынстваў, а таксама зробленых у грамадскіх месцах і
асобамі ў стане алкагольнага ап’янення.
Са станоўчага боку адзначана арганізацыя прафілактычнай
работы па недапушчэнні гвалтаванняў, разбояў, вымагальніцтваў, крадзяжоў
аўтатранспарту. Дасягнуты станоўчыя вынікі па прафілактыцы злачыннасці ў
сельскай мясцовасці і г. д.
Улічваючы агучаную інфармацыю, на аператыўнай нарадзе быў
прыняты шэраг рашэнняў, накіраваных на стабілізацыю крымінагеннай
абстаноўкі і забеспячэнне грамадскай бяспекі ў раёне.
Напрыканцы нарады Аляксандр Сяргееў уручыў лепшым
супрацоўнікам РАУС заслужаныя ўзнагароды. Нагрудным знакам “За
самаадданую службу” ўзнагароджаны старшы ўчастковы інспектар ААПП
Дзмітрый ГАРАЎЦОЎ. За ўмелыя і прафесійныя дзеянні, праяўленыя пры
правядзенні службовых мерапрыемстваў, Граматай УУС аблвыканкама
адзначаны старшы інспектар па адміністрацыйнай практыцы АДАІ Сяргей
ЖАРНОЎСКІ. Падзякі УУС аблвыканкама аб’яўлены малодшаму
аперупаўнаважанаму аддзялення крымінальнага вышуку Мікалаю СЦЯПАНАВУ і
малодшаму ўчастковаму інспектару ААПП Антону ЕМЯЛЬЯНАВУ.
Шэраг супрацоўнікаў удастоены падзяк начальніка РАУС Сяргея КРАСНОВА.
Поделиться: