Фінальныя гульні абласнога этапа рэспубліканскіх спаборніцтваў па футболе “Скураны мяч” на прызы Прэзідэнцкага спартыўнага клуба прайшлі ў пасёлку Вейна Магілёўскага раёна. За прызавыя месцы і выхад у фінал заключнага этапа турніру змагаліся футбалісты 2001 года нараджэння з розных рэгіёнаў вобласці, у тым ліку і юныя спартсмены з Прыдруцкага краю. Наша дружына правяла серыю цікавых паядынкаў. Так, з разгромным лікам 9:0 рабяты перамаглі каманду з Бабруйска. 7 пераможных мячэй забілі бялынічане ў вароты саперніка з Горак. А вось магілёўскія футбалісты аказаліся мацнейшымі. Ім нашы землякі ўступілі 4 мячы.
У выніку, бялыніцкая дружына заваявала трэцяе месца. Акрамя таго, лепшымі гульцамі турніру прызнаны абаронца Арцём Асіпёнак, нападаючы Георгій Марушкін і варатар Ілья Мамай.
Поделиться: