Напярэдадні прафесійнага свята заслужаныя ўзнагароды атрымалі лепшыя работнікі аховы здароўя Прыдрутчыны. Так, Ганаровай граматы ўпраўлення аховы здароўя Магілёўскага аблвыканкама і галіновага абкама прафсаюза ўдастоена медыцынская сястра афтальмалагічнага кабінета ЦРБ Ірына Панчанка. Грашовыя прэміі ўпраўлення атрымалі галоўны ўрач ЦРБ Віктар Пянькоўскі, загадчыца кадрава-прававога сектара Таццяна Вароніна і загадчыца неўралагічнага аддзялення Ілона Рамашына.
Ганаровымі граматамі Бялыніцкага раённага выканаўчага камітэта адзначаны загадчык Цяхцінскай амбулаторыі ўрача агульнай практыкі Уладзімір Раўкоў, загадчыца лабараторным аддзелам РЦГіЭ Алена Жаўрыд, граматай - фельчар Машчаніцкай амбулаторыі ўрача агульнай практыкі Ала Юшкевіч.