Кірмаш “Добры дзень, восень!” разгарнецца ў гэту нядзелю на пляцоўцы каля РЦК. Прадукцыю ўласнай вытворчасці тут будуць рэалізоўваць сельгасарганізацыі Бялыніччыны, раённае спажывецкае таварыства, прафесійны ліцэй №17. Жыхары і госці райцэнтра змогуць набыць мяса, зерне, бульбу, моркву, цыбулю, яблыкі і многае іншае. Вытворцы харчовай прадукцыі сардэчна запрашаюць жыхароў і гасцей Прыдрутчыны наведаць восеньскі кірмаш, які распачне сваю працу а 10 гадзіне.  
    Аналагічныя кірмашы пройдуць у Бялынічах 28 верасня, 12 і 19 кастрычніка. А пачынаючы з 20 верасня, штотыднёва па выхадных на гарадскім рынку будуць працаваць міні-кірмашы сельгасвытворцаў.