Шахматна-шашачны турнір сярод ветэранаў працы, Узброеных сіл Рэспублікі Беларусь і праваахоўных органаў адбыўся ў клубе ветэранаў «Надзея». У выніку, лепшым шахматыстам стаў Уладзімір Ерашэнка, другую прыступку п’едэсталу гонару заняў Аляксандр Апекуноў, які, да таго ж, стаў трэцім у турніры па шашках, трэцюю — Генадзь Барысаў. Перамогу ў спаборніцтвах па шашках святкаваў Святаслаў Сазановіч, другім стаў Іван Калтуноў.
Акрамя таго, у ФАК «Друць» пенсіянеры змагаліся за званне лепшага більярдыста. Тут першынствавалі Мікалай Чорны, Барыс Елісееў і Уладзімір Котасаў, якія адпаведна занялі 1, 2 і 3 месцы. Пераможцы ўзнагароджаны каштоўнымі падарункамі.