Падведзены вынікі абласной выставы “Сонечная палітра”, якая праходзіла ў Магілёве на базе абласнога цэнтра творчасці дзеля фарміравання эстэтычнай культуры і папулярызацыі выяўленчага і дэкаратыўна-прыкладнога мастацтва сярод моладзі.
567 творчых работ з усіх рэгіёнаў Магілёўшчыны былі прадстаўлены на выставе. Актыўны ўдзел у конкурсе прынялі навучэнцы шматпрофільнага цэнтра “Ветразь”. Дыпломам 1-й ступені ва ўзроставай катэгорыі 13-15 гадоў узнагароджаны навучэнец аб’яднання па інтарэсах “Вітражы” Станіслаў Скугараў, Дыпломамі 2-й ступені адзначаны навучэнкі аб’яднання па інтарэсах “Тэатр лялек” Паліна Кузняцова і Кацярына Макаранка. Віншуем юных талентаў Бялыніччыны!