Акцыі “Кірмаш вакансій” і “Дабравест” правялі супрацоўнікі РАУС для раней судзімых жыхароў раёна падчас спецыяльнага комплекснага мерапрыемства “Нагляд”.
Удзел у акцыях прынялі начальнік аддзела занятасці насельніцтва і бухгалтарскага ўліку ўпраўлення па працы, занятасці і сацыяльнай абароне райвыканкама Уладзімір ВЯРШЫЛА, урач-нарколаг ЦРБ Максім ЕРАНОВІЧ, настаяцель храма ў гонар Бялыніцкай іконы Божай Маці протаіерэй Сергій МАСЛАЎ.
15 грамадзян, якія знаходзяцца на ўліку ў крымінальна-выканаўчай інспекцыі РАУС, маюць судзімасць, а таксама адбываюць пакаранне, не звязанае з пазбаўленнем волі, атрымалі звесткі аб вакантных рабочых месцах на прадпрыемствах, у арганізацыях і ва ўстановах раёна.
Мерапрыемства праводзілася таксама і з мэтай аказання неабходнай псіхалагічнай дапамогі раней судзімым, прывіцця ім духоўных, маральных каштоўнасцяў.

Вольга КОРШУНАВА,
інспектар крымінальна-выканаўчай інспекцыі РАУС.