Днямі ў дапаможную школу-інтэрнат для дзяцей сірот і дзяцей, якія засталіся без апекі бацькоў, завіталі госці – музычны калектыў “Джаз-сіці-бэнд” горада Магілёва.
Артысты падаравалі выхаванцам школы цудоўны канцэрт, а таксама гасцінцы: салодкія пачастункі і цацкі, і самае галоўнае – святочны настрой і сардэчнае цяпло. Як заўважыў лідар гуртка Аляксандр Гарадкоў,  такі візіт маладыя люді арганізавалі невыпадкова, бо лічаць, што дзеці-сіроты заслугоўваюць увагі, разумення, і, безумоўна, шчаслівых і радасных імгненняў.