­­Днямі Бялыніцкае раённае аб’яднанне прафсаюзаў, уваходзячых у Федэрацыю прафсаюзаў Беларусі, сумесна з аддзела ідэалагічнай работы, культуры і па справах моладзі райвыканкама правялі раённы этап рэспубліканскага маладзёжнага вакальнага конкурсу “Новыя імёны Беларусі”, у якім прынялі ўдзел выканаўцы ва ўзросце ад 16 да 31 года. Паводле ўмоў творчага спаборніцтва, удзел у ім маглі прыняць толькі члены пярвічных прафсаюзных арганізацый прадпрыемстваў, устаноў і арганізацый. Кожны спявак прапанаваў гледачам адну песню, якая, на яго думку, найбольш яскрава адлюстроўвае выканаўчыя здольнасці, мастацкі ўзровень спеву і сцэнічны вобраз.
Журы ў складзе старшыні раённага аб’яднання арганізацый прафсаюзаў, якія ўваходзяць у Федэрацыю прафсаюзаў Беларусі, Святланы Патапчык, намесніка начальніка аддзела ідэалагічнай работы, культуры і па справах моладзі Лідзіі Ца­пікавай, дырэктара ДУК “Бялыніцкая дзіцячая школа мастацтваў” Таццяны Гарнастай, выкладчыка харавых дысцыплін Людмілы Дабрынінай і загадчыка аддзялення харавога спеву Ірыны Косцінай давялося добра папрацаваць, бо ўсе канкурсанты мелі выдатныя галасы, цудоўна падрыхтаваліся.
Па выніках раённага этапа конкурсу магчымасць праявіць свой вакальны­ талент на абласным этапе атрымалі прадстаўнікі пярвічных прафсаюзных арганізацый ДУК “Цэнтралізаваная клубная сістэма Бялыніцкага раёна” Хрысціна Вараб’ёва, ДУА “Бялыніцкая дзіцячая школа мастацтваў” Ганна Шутова і СВК “Калгас “Радзіма” Міхаіл Семянкевіч.

­
­Анастасія МАК­ЕЕВА, “Зар­а над Друццю”