Увага, фотаконкурс!

Калі ты ва ўзросце да 31 года, маеш фотаапарат, любіш тое месца, дзе нарадзіўся і жывеш, табе проста НЕАБХОДНА прыняць удзел у фотаконкурсе «МІЛЫ СЭРЦУ КУТОЧАК!».
Яго праводзяць з мэтай выяўлення, падтрымкі і развіцця творчага патэнцыялу моладзі Бялыніччыны, актуалізацыі найбольш прыгожых відаў і гісторыка-культурных мясцін гарадскога пасёлка і раёна аддзел ідэалагічнай работы, культуры і па справах моладзі райвыканкама, рэдакцыя раённай газеты “Зара над Друццю”, раённае аб’яднанне прафсаюзаў, якія ўваходзяць у Федэрацыю прафсаюзаў Беларусі, і раённыя арганізацыі ГА “Беларускі саюз жанчын” і Беларускі фонд Міру.
Апошні дзень падачы конкурсных фотаздымкаў (ад кожнага аўтара не больш за тры) – 31 кастрычніка 2015 года. Фотаздымкі прымаюцца як на папяровым носьбіце, так і ў апрацаваным лічбавым фармаце (не менш як 300 пікс./дзюйм.).
Свае фотатворы дасылайце з пазнакай “Фотаконкурс” на адрас: 213051, вул. Савецкая, 27 ці drut@tut.by
Нагадваем, што кожны фотаздымак павінна суправаджаць інфармацыйная карта, у якой указваюцца: прозвішча, імя, імя па бацьку аўтара, яго ўзрост, паштовы адрас, нумар кантактнага тэлефона, месца працы ці вучобы, а таксама кароткі тлумачальны тэкст да здымка (эсэ, не больш за 500 знакаў без прабелаў).
Пераможцы фотаконкурсу «Мілы сэрцу куточак» (1, 2, 3 месцы) будуць вызначаны 2 лістапада бягучага года і атрымаюць выдатныя падарункі ад яго арганізатараў.
Даведкі па тэл. 51 – 392.

Положение о проведении фотоконкурса "Мілы сэрцу куточак"(.doc, 35.5 Кб)