2014 год  аб’яўлены годам гасціннасці, і з гэтай нагоды наш раён з першых дзён пачынае плённую работу па ажыццяўленню пастаўленых задач. З  9 студзеня бягучага года РА ГА “БРСМ” распачаў акцыю “Жамчужына нашага краю”, якая накіравана на пошук новых цікавых месцаў, якімі б мы маглі ганарыцца і дэманстраваць гасцям Прыдруцкага краю. Такая задача будзе пастаўлена перад пярвічнымі арганізацыямі БРСМ школ раёна, дзе школьнікі разам са сваімі настаўнікамі будуць сапраўднымі вынаходнікамі “жамчужынак” нашых слаўных мясцін.
Вядома, што наладжванне сувязяў і прыцягненне турыстаў добра ўплывае на развіццё раёна ў цэлым, а наш Прыдруцкі край ў гэтым годзе адзначае свой 90 Дзень нараджэння, таму мы павінны прыкласці ўсе намаганні, каб зрабіць нашу малую радзіму больш прывабнай і гасціннай.