Чэмпіянат свету па біятлоне сярод юніораў і юнакоў – сапраўдная і знакавая спартыўная падзея для нашай краіны. Чакаецца, што ў спаборніцтвах прыме ўдзел каля 700 спартсменаў з больш як 40 краін.
Абноўлены біятлонны стадыён у Раўбічах адпавядае ўсім міжнародным патрабаванням.
Колькі слоў адносна праграмы чэмпіянату. 17 лютага а 10 гадзіне распачнуцца афіцыйныя трэніроўкі спартсменаў. У наступны дзень аб 11 гадзіне стартуе 10-кіламетровая індывідуальная гонка сярод дзяўчат, а ў 15.30 на 12,5-кіламетровай трасе спаборнічаць будуць юнакі. 19 лютага спаборнічаюць юніоркі (11.00, 12,5 км) і юніоры (14.30, 15 км). 20 лютага ў спрынт пабягуць дзяўчаты (11. 00, 6 км), а ў 14. 30 – юнакі (12,5 км). У наступны дзень пройдзе спрынтарская гонка сярод юніорак (11. 00, 7,5 км) і юніораў (14. 30, 10 км).
Самым насычаным чакаецца 22 лютага. Аб 11 гадзіне стартуе гонка пераследу. Першымі распачнуць яе дзяўчаты (7,5 км), у 12. 00 – юніоркі (10 км). У 13. 30 стартуюць юнакі (10 км), 15. 30 – юніоры (12,5 км). 23 лютага адбудзецца эстафета (11.00, 3х6 км) для дзяўчат. Юнакі стартуюць у 15. 30 (3х7,5 км). У наступны дзень спаборнічаюць юніоркі (11. 00, 3х6 км) і юніоры (14. 30, 4х7,5 км).
Арганізатары чэмпіянату папярэджваюць, што ў праграме яго магчымыя змены.
Дакладная інфармацыя размяшчаецца на афіцыйным сайце Беларускай федэрацыі біятлона www. biathlon.by ў рубрыцы “ЮЧМ 2015”.