Чарговы кірмаш, які прайшоў на рынку райспажыўтаварыства 11 красавіка, яшчэ раз засведчыў папулярнасць мясцовай прадукцыі. Найбольшую суму (32 млн. рублёў) традыцыйна выручыла на кірмашы “Велікодны” раённая спажывецкае таварыства, якое выставіла на продаж шырокі асартымент прадукцыі ўласнай вытворчасці. Не ў накладзе, як гаворыцца, засталіся і астатнія сельгаспрадпрыемствы і прамысловыя адкрытыя акцыянерныя таварыствы. Напрыклад, ААТ “Падзевічы”, “Бялынічы” і райаграпрамтэхзабеспячэнне выручылі адпаведна 14 і па 11 млн. рублёў, СВК “Калгас “Радзіма” і “Ількавічы” рэалізавалі сельгаспрадукцыі, вырашчанай на палетках кааператыва, і ялавічыны на 10,5 і 8 млн. рублёў адпаведна. Пратэінавы завод прадаў камбікорму і мукі на 4,5 млн., а ПМК -83 – жывой рыбы на 1,3 млн. рублёў.
Нагадаем, што чарговы кірмаш, “Першамайскі” запланавана правесці  на рынку райспажыўтаварыства 1 мая.