Бялынічанін Іван Бязмен прасіў пасадзейнічаць рэканструкцыі існуючай пляцоўкі для гульні ў гарадкі: замяніць яе бетоннае пакрыццё, якое не адпавядае патрабаванням для правядзення трэніровак і спаборніцтваў па гарадошным спорце, на металічныя лісты.
Жыхарка Бялынічаў і яе сын звярнуліся са скаргай аб парушэнні, на іх погляд, горадабудаўнічых нормаў у сувязі са знаходжаннем на сумежных зямельных участках сажалак-копаняў. Уладзімір Даманеўскі адзначыў, што пытанні, якія ўзнікаюць на глебе спрэчак паміж суседзямі, лепш за ўсё рэгуляваць у судзебным парадку.
Два іншыя звароты датычыліся пытанняў жылля і асабістых адносін былога працаўніка сельгасарганізацыі і яе кіраўніцтва.
Усе праблемы, скаргі і прапановы бялынічан не засталіся без увагі, былі дэталёва прааналізаваныя адпаведнымі службамі. Некаторыя з іх вырашаны на месцы ў час прыёму.