18 апреля
Сапраўдныя зорачкі вырастаюць у «Созвездии»
Дзіцячы ўзорны харэаграфічны калектыў РЦК “Созвездие” можна лічыць, калі гаварыць маладзёжнай мовай, фішкай раёна.
Чародка гарэзлівых дзяўчат, хлопчык, які вучыць залу танцаваць “дыска” і па-заліхвацку выконвае складаныя лацінаамерыканскія танцы, запомніліся не толькі бялыніцкім гледачам, але і строгаму журы абласных і рэспубліканскіх конкурсаў, у якіх неаднаразова ўдзельнічалі юныя таленты.
— Калектыў быў арганізаваны ў 2002 годзе, — распавядае яго стваральнік і кіраўнік Ірына КАЗІМІРСКАЯ. – Дзеці, якія займаюцца ў нас, падзеленыя на 4 узроставыя групы: дашкольнікі – 1 клас, 1-2 класы, 3-4 класы і старэйшая група – 7-9 класы. Таксама нашы выхаванцы складаюць асноўную частку калектыву барабаншчыц, які дзейнічае пры раённым Цэнтры культуры. У мінулым годзе ўзорны харэаграфічны калектыў “Созвездие” заняў ІІІ месца ў Рэспубліканскім танцавальным фестывалі “Dance Fantasy 2015” Беларускай федэрацыі сучаснага танца, удзельнічалі ў I Міжнародным фестывалі мастацтваў “Музыкі свет” і дадалі ў сваю скарбонку ўзнагарод дыпломы І ступені ў намінацыі “Народны танец” і ІІ ступені ў намінацыі “Эстрадны танец”. Прымалі мы ўдзел і ў абласным “Фестывалі народных талентаў Магілёўшчыны”.
Сапраўды, у зале, дзе праходзяць рэпетыцыі бялыніцкіх “зорачак”, разнастайныя ўзнагароды займаюць цэлую шафу.
За ўсімі гэтымі бліскучымі перамогамі стаіць цяжкая, карпатлівая праца, гадзіны рэпетыцый. Ірына Казімірская распавядае, што вельмі любіць сваю работу і поўнасцю аддаецца ёй. І дзеці вельмі стараюцца. Адна справа знайсці прыгожую музыку, падабраць рухі, а зусім іншая – навучыць зладжана танцаваць малышню, прывіць ёй уменне працаваць у камандзе, падтрымліваць адзін аднаго. Да таго ж, амаль усе касцюмы для выступленняў Ірына Іванаўна шые сама.
Працаваць з дзецьмі – вялікая адказнасць. Для іх трэба быць і настаўнікам, і псіхолагам, і лепшай сяброўкай.
— Таленавітых дзяцей, якія любяць і жадаюць танцаваць, вельмі многа, — адзначае Ірына Казімірская. – Некаторыя прыходзяць да мяне яшчэ дашкольнікамі. Напрыклад, Назар АНЦІПІРОВІЧ. Мы пазнаёміліся з ім, калі хлопчык наведваў дзіцячы садзік №3. Яго проста немагчыма было не заўважыць. Тым больш, што стараннасці Назару не займаць. Такія музычныя нумары, як “Настаўнік танцаў”, “Вася-васілёк” з яго ўдзелам вельмі падабаюцца гледачам. Мне цяжка каго-небудзь са сваіх выхаванцаў назваць лепшым. Кожны выконвае ў танцавальным нумары сваю ролю і робіць гэта ад усяе душы.
Святлана МАГІЛЕЎЧЫК
Поделиться:
Чародка гарэзлівых дзяўчат, хлопчык, які вучыць залу танцаваць “дыска” і па-заліхвацку выконвае складаныя лацінаамерыканскія танцы, запомніліся не толькі бялыніцкім гледачам, але і строгаму журы абласных і рэспубліканскіх конкурсаў, у якіх неаднаразова ўдзельнічалі юныя таленты.
— Калектыў быў арганізаваны ў 2002 годзе, — распавядае яго стваральнік і кіраўнік Ірына КАЗІМІРСКАЯ. – Дзеці, якія займаюцца ў нас, падзеленыя на 4 узроставыя групы: дашкольнікі – 1 клас, 1-2 класы, 3-4 класы і старэйшая група – 7-9 класы. Таксама нашы выхаванцы складаюць асноўную частку калектыву барабаншчыц, які дзейнічае пры раённым Цэнтры культуры. У мінулым годзе ўзорны харэаграфічны калектыў “Созвездие” заняў ІІІ месца ў Рэспубліканскім танцавальным фестывалі “Dance Fantasy 2015” Беларускай федэрацыі сучаснага танца, удзельнічалі ў I Міжнародным фестывалі мастацтваў “Музыкі свет” і дадалі ў сваю скарбонку ўзнагарод дыпломы І ступені ў намінацыі “Народны танец” і ІІ ступені ў намінацыі “Эстрадны танец”. Прымалі мы ўдзел і ў абласным “Фестывалі народных талентаў Магілёўшчыны”.
Сапраўды, у зале, дзе праходзяць рэпетыцыі бялыніцкіх “зорачак”, разнастайныя ўзнагароды займаюць цэлую шафу.
За ўсімі гэтымі бліскучымі перамогамі стаіць цяжкая, карпатлівая праца, гадзіны рэпетыцый. Ірына Казімірская распавядае, што вельмі любіць сваю работу і поўнасцю аддаецца ёй. І дзеці вельмі стараюцца. Адна справа знайсці прыгожую музыку, падабраць рухі, а зусім іншая – навучыць зладжана танцаваць малышню, прывіць ёй уменне працаваць у камандзе, падтрымліваць адзін аднаго. Да таго ж, амаль усе касцюмы для выступленняў Ірына Іванаўна шые сама.
Працаваць з дзецьмі – вялікая адказнасць. Для іх трэба быць і настаўнікам, і псіхолагам, і лепшай сяброўкай.
— Таленавітых дзяцей, якія любяць і жадаюць танцаваць, вельмі многа, — адзначае Ірына Казімірская. – Некаторыя прыходзяць да мяне яшчэ дашкольнікамі. Напрыклад, Назар АНЦІПІРОВІЧ. Мы пазнаёміліся з ім, калі хлопчык наведваў дзіцячы садзік №3. Яго проста немагчыма было не заўважыць. Тым больш, што стараннасці Назару не займаць. Такія музычныя нумары, як “Настаўнік танцаў”, “Вася-васілёк” з яго ўдзелам вельмі падабаюцца гледачам. Мне цяжка каго-небудзь са сваіх выхаванцаў назваць лепшым. Кожны выконвае ў танцавальным нумары сваю ролю і робіць гэта ад усяе душы.
Святлана МАГІЛЕЎЧЫК