Вучні Вішоўскай школы з задавальненнем далучыліся да цікавай акцыі “Птушкі ля кармушкі”, якую праводзіць грамадскае аб’яднанне “Ахова птушак Бацькаўшчыны”.

Сваімі рукамі вучні 2 “А” класа разам з класным кіраўніком Эмай ГАЛУШКІНАЙ зрабілі кармушкі з другаснай сыравіны. Дзяўчаты паклапаціліся пра пачастунак для птушачак. Па рэкамендацыі настаўніцы біялогіі Алены ВАРАПАЕВАЙ, яны прынеслі крупы, насенне сланечніку і ягады рабіны. А хлапчукі развесілі кармушкі па дрэвах у школьным двары. Застаецца толькі чакаць пярнатых гасцей і назіраць за імі.