Яна складаецца з творчых работ удзельнікаў клубных фарміраванняў і супрацоўнікаў устаноў цэнтралізаванай клубнай сістэмы  раёна. Прадстаўленыя работы, створаныя з прымяненнем мноства розных тэхнік і матэрыялаў, уражваюць арыгінальнасцю аўтарскіх ідэй, тонкім густам і майстэрствам выканання.
Жыхары Бялыніч і госці горада пазнаёміліся ўжо з выставай, прадстаўленай Свяцілавіцкім сельскім домам рамёстваў. Гэта былі творы, зробленыя ў тэхніцы карункапляцення і калекцыя тэкстыльных лялек.
Да канца чэрвеня дзейнічалі выставы Ланькаўскага СЦК і ВЧ і Масцішчанскага сельскага клуба, дзе былі прадстаўлены кампазіцыі з кветак, работы з саломкі і газетнай паперы.
У ліпені сваю творчасць прадстаўляюць Машчаніцкі і Алешкавіцкі сельскія клубы.
Так, на працягу бягучага года кожная клубная ўстанова раёна пакажа бялынічанам работы дэкаратыўна-ўжытковага мастацтва. Усім, хто захапляецца творчасцю, будзе цікава наведаць гэтыя выставы.
Людміла КУРАНКОВА,
метадыст РЦК.
Фота Святланы Магілеўчык