У дзень памяці святога прарока Ільі ў СВК “Калгас “Радзіма”  ўрачыста, з малебнам, праводзілі на хлебныя сенажаці 12 зернеўборачных экіпажаў камбайнаў, а таксама вадзіцеляў і  прадстаўнікоў усіх адпаведных дапаможных служб.
Уборачным экіпажам гаспадаркі неабходна будзе за самыя сціслыя тэрміны ўбраць вырашчаны ўраджай збожжа крыху больш як на 3400 гектарах.
Традыцыйны абрад “Зажынкі” пачаўся на імправізаванай пляцоўцы насупраць машыннага двара СВК “Калгас “Радзіма”.  Удзел ва ўрачыстасцях прынялі намеснік старшыні райвыканкама Андрэй ГАНЧУК,  начальнік аддзела ідэалагічнай работы, культуры і па справах моладзі райвыканкама Ірына Фурсава.  
Першым за камбайнерў, вадзіцелей і механізатараў звярнуўся старшыня  СВК “Калгас “Разіма”, Заслу­жаны работнік сельскай гаспадаркі Аляксандр Міхайлавіч Лапацентаў, ён пажадаў усім моцнага здароўя, пленнай працы, добрага настрою, і запэўніў удзельнікаў жніва што іх добрыя вынікі,іх праца абавязкова будзе дастойна заахвочана!
Намеснік стршыні райвыканкама  ў сваім звароце да ўдзельнікаў сёлетняга жніва гаспадаркі ад імя раённага выканаўчага камітэта пажадаў “капітанам стэпавых караблёў”, як і іх памочнікам, рэкордных намалотаў, выключнай вытрыманасці, разумення блізкіх.
Сярод вішоўскіх камбайнераў “вышэйшага пілатажу” трэба зазначыць Заслужанага работніка СВК “Калгас “Радзіма” Мікалая ДАРЭЧКІНА. Цяперашняе жніво для Мікалая 25-е па ліку. Юбілейнае! Дагэтуль ён за сваю ўдарную працу на ўборцы збожжа чатыры разы заахвочваўся каштоўнымі падарункамі на рэспубліканскіх “Дажынках”