3 апреля
«Я + Я = маладая сям’я»
![](/image.php?image=%2Fdata%2Fregion4.jpeg&width=200&height=185&cropratio=200%3A185)
Пад такой назвай у раённым Цэнтры культуры прайшла традыцыйная конкурсная шоу-праграма, падчас якой самыя актыўныя і ініцыятыўныя маладыя сем’і Бялыніччыны змагаліся за права звацца лепшымі.
Гэта мерапрыемства стала адметнай падзеяй для Міхаіла Семянкевіча і Вольгі Арцем’евай з аграгарадка Вішоў, Андрэя і Анастасіі Бурсавых з вёскі Навасёлкі Вішоўскага сельсавета, бялынічан Аляксандра і Ліліі Свірэйкаў і Яўгена і Людмілы Цацура. Адны з іх ідуць па жыцці разам ужо некалькі гадоў, другія пабраліся шлюбам зусім нядаўна.
Атмасфера на сцэне і ў канцэртнай зале панавала радасная і сяброўская.
Удзельнікі шоу-праграмы дэманстравалі свае здольнасці ў пяці конкурсах. У першым, які называўся “Сямейны партрэт”, маладыя пары знаёміліся з гледачамі. З дапамогай фотаздымкаў, вершаваных твораў і тэатральных пастановак яны расказвалі гісторыі стварэння сваіх саюзаў. Не пакінула раўнадушным прысутных выступленне яшчэ зусім маладой пары Аляксандра і Ліліі Свірэйкаў, якія з дапамогай пантамімы аднавілі момант сваёй першай сустрэчы.
Надзвычай спадабаўся балельшчыкам і журы конкурс “Сямейныя таленты”. Удзельнікі спявалі песні, паказвалі сцэнкі... Шмат станоўчых эмоцый выклікала выступленне Міхаіла Семянкевіча і Вольгі Арцем’евай, якія сумесна выканалі песню.
У конкурсе “Сітуацыя” маладыя пары знаходзілі выйсце з самых розных жыццёвых момантаў.
Конкурс “Кулінарныя шэдыўры” павінен быў выявіць самую лепшую гаспаданю. Аднак, як высветлілася, Лілія, Вольга, Анастасія і Людміла ўмеюць добра гатаваць. Іх стравы аказаліся не толькі прыгожа аформленымі, але і смачнымі.
Пакуль жанчыны гатавалі, мужчыны ў конкурсе “Памочнікі” дэманстравалі сваё ўменне спраўляцца з хатнімі абавязкамі.
Нягледзячы на тое, што “Я+Я= Маладая сям’я” – конкурс, прайграўшых у ім не аказалася. Кожная пара была ўдастоена ганаровага тытулу. Кампетэнтным журы, у склад якога, дарэчы, уваходзілі леташнія пераможцы конкурсу Сяргей і Кацярына Ігнатовічы, “Самай вясёлай сям’ёй” прызнаны Андрэй і Анастасія Бурсавы, “Самай арыгінальнай сям’ёй” – Яўген і Людміла Цацура, “Самай творчай сям’ёй” – Міхаіл Семянкевіч і Вольга Арцем’ева.
А вось “Супер сям’ёй” сталі Аляксандр і Лілія Свірэйкі.
Дыпломы і каштоўныя падарункі ўдзельнікам уручыла начальнік аддзела па справах моладзі райвыканкама Наталля Саланенка.
- Шлюбам мы пабраліся ў верасні мінулага года, - адзначыў Аляксандр Свірэйка. – Але здаецца, што разам ужо вельмі даўно, бо жывём у ладзе і згодзе. Атрымаць тытул “Супер сям’я” было прыемна, аднак лічым, што кожны саюз – лепшы па-свойму.
- А мы знаёмыя ўжо 12 гадоў, сем з якіх жывём у законным шлюбе, - паведаміла Вольга Арцем’ева. – Гадуем дачушку Ульяну. Наш дывіз: “Быць разам, і ўсё атрымаецца”.
(Іна Каралёнак, “Зара над Друццю”)
Поделиться:
Гэта мерапрыемства стала адметнай падзеяй для Міхаіла Семянкевіча і Вольгі Арцем’евай з аграгарадка Вішоў, Андрэя і Анастасіі Бурсавых з вёскі Навасёлкі Вішоўскага сельсавета, бялынічан Аляксандра і Ліліі Свірэйкаў і Яўгена і Людмілы Цацура. Адны з іх ідуць па жыцці разам ужо некалькі гадоў, другія пабраліся шлюбам зусім нядаўна.
Атмасфера на сцэне і ў канцэртнай зале панавала радасная і сяброўская.
Удзельнікі шоу-праграмы дэманстравалі свае здольнасці ў пяці конкурсах. У першым, які называўся “Сямейны партрэт”, маладыя пары знаёміліся з гледачамі. З дапамогай фотаздымкаў, вершаваных твораў і тэатральных пастановак яны расказвалі гісторыі стварэння сваіх саюзаў. Не пакінула раўнадушным прысутных выступленне яшчэ зусім маладой пары Аляксандра і Ліліі Свірэйкаў, якія з дапамогай пантамімы аднавілі момант сваёй першай сустрэчы.
Надзвычай спадабаўся балельшчыкам і журы конкурс “Сямейныя таленты”. Удзельнікі спявалі песні, паказвалі сцэнкі... Шмат станоўчых эмоцый выклікала выступленне Міхаіла Семянкевіча і Вольгі Арцем’евай, якія сумесна выканалі песню.
У конкурсе “Сітуацыя” маладыя пары знаходзілі выйсце з самых розных жыццёвых момантаў.
Конкурс “Кулінарныя шэдыўры” павінен быў выявіць самую лепшую гаспаданю. Аднак, як высветлілася, Лілія, Вольга, Анастасія і Людміла ўмеюць добра гатаваць. Іх стравы аказаліся не толькі прыгожа аформленымі, але і смачнымі.
Пакуль жанчыны гатавалі, мужчыны ў конкурсе “Памочнікі” дэманстравалі сваё ўменне спраўляцца з хатнімі абавязкамі.
Нягледзячы на тое, што “Я+Я= Маладая сям’я” – конкурс, прайграўшых у ім не аказалася. Кожная пара была ўдастоена ганаровага тытулу. Кампетэнтным журы, у склад якога, дарэчы, уваходзілі леташнія пераможцы конкурсу Сяргей і Кацярына Ігнатовічы, “Самай вясёлай сям’ёй” прызнаны Андрэй і Анастасія Бурсавы, “Самай арыгінальнай сям’ёй” – Яўген і Людміла Цацура, “Самай творчай сям’ёй” – Міхаіл Семянкевіч і Вольга Арцем’ева.
А вось “Супер сям’ёй” сталі Аляксандр і Лілія Свірэйкі.
Дыпломы і каштоўныя падарункі ўдзельнікам уручыла начальнік аддзела па справах моладзі райвыканкама Наталля Саланенка.
- Шлюбам мы пабраліся ў верасні мінулага года, - адзначыў Аляксандр Свірэйка. – Але здаецца, што разам ужо вельмі даўно, бо жывём у ладзе і згодзе. Атрымаць тытул “Супер сям’я” было прыемна, аднак лічым, што кожны саюз – лепшы па-свойму.
- А мы знаёмыя ўжо 12 гадоў, сем з якіх жывём у законным шлюбе, - паведаміла Вольга Арцем’ева. – Гадуем дачушку Ульяну. Наш дывіз: “Быць разам, і ўсё атрымаецца”.
(Іна Каралёнак, “Зара над Друццю”)