Падведзены вынікі паядынкаў па міне-футболе, якія прайшлі ў рамках круглагадовай спартакіяды сярод працоўных калектываў. У гэтым годзе 12 каманд падалі заяўкі на ўдзел у іх, у фінал прайшлі толькі 6.
На першую прыступку п’едэстала гонару ўзнялася дружына БУКП “Жылкамгас”. Другімі і трэцімі сталі прызёры мінулага года – зборныя РАНС і аддзела адукацыі райвыканкама. Леташні чэмпіён, каманда ПЛ №17, згубіла пазіцыі лідара: замкнула чацвёрку мацнейшых.