“Руку сяброўства працягні” – акцыя пад такой назвай прайшла на базе шматпрофільнага цэнтра “Ветразь”.
Члены аб’яднанняў па інтарэсах цэнтра “Прырода і фантазія”, “Мастацкае чытанне”, “Вышыўка”, “Тэатр лялек”, а таксама тэатральнай студыі “Лікі” сумесна са сваімі педагогамі падрыхтавалі для выхаванцаў дапаможнай школы-інтэрната для дзяцей-сірот і дзяцей, якія засталіся без апекі бацькоў цікавую забаўляльную праграму. Хлопчыкі і дзяўчынкі з захапленнем спявалі песні, танцавалі, удзельнічалі ў разнастайных гульнях і конкурсах.