28 декабря
Мемарыяльная дошка Васіля Кацяшова
![](/image.php?image=%2Fdata%2Fregion99.jpg&width=200&height=185&cropratio=200%3A185)
Няшмат было земляробаў, памяць аб якіх увекавечана мемарыяльнымі дошкамі. Такога гонару звычайна ўдастойваліся толькі Героі Сацыялістычнай Працы.
У навейшай гісторыі Рэспублікі Беларусь першая мемарыяльная дошка памяці механізатара Васіля Кацяшова з’явілася 27 снежня 2012 года на будынку праўлення СВК “Кудзін”, што ў вёсцы Малы Кудзін Бялыніцкага раёна. Апоўдні на ўрачысты мітынг, прысвечаны гэтай знамянальнай падзеі, тут сабраліся родныя і блізкія Васіля Барысавіча, яго былыя паплечнікі, разам з якімі ён працаваў, члены праўлення кааператыва, ганаровыя госці.
- Васіль Кацяшоў сапраўды быў лепшым механізатарам гаспадаркі, -- зазначыў у прамове на мітынгу старшыня праўлення кааператыва Адам Сачыловіч. – Ён рана пайшоў з жыцця, але пакінуў аб сабе толькі добрую памяць. Школа земляроба Васіля Кацяшова – гэта ўзор самаадданай працы.
... Яго не стала 29 мая 2010 года, якраз напрыканцы веснавых палявых работ. У той жа год праўленне кааператыва па ініцыятыве яго старшыні заснавала штогадовую прэмію імя Васіля Кацяшова ў памеры 1000 долараў для лепшых працаўнікоў гаспадаркі. Яе лаурэатамі сталі ўжо шафёр Анатоль Гарбузаў і механізатары Дзяніс Астаф’еў і Віктар Старалаўнікаў. Неўзабаве было прынята рашэнне і аб устаноўцы мемарыяльнай дошкі на адміністрацыйным будынку сельгасарганізацыі.
- На прыкладзе Васіля Барысавіча сёння выхоўваецца новае пакаленне земляробаў, - гаворыць старшыня прафсаюзнага камітэта гаспадаркі Тамара Ларкова. – Такія яго рысы, як высокая адказнасць за даручаную справу, прафесіяналізм, сціпласць і таварыскасць толькі ўпрыгожваюць чалавека.
Удзельнікі мітынгу ўсклалі да мемарыяльнай дошкі Васіля Кацяшова жывыя кветкі. Ва ўрачыстасці прыняла ўдзел і выступіла з прамовай начальнік ідэалагічнага аддзела райвыканкама Ірына Фурсава.
(Васіль ДЗЕРАВЯШКА, “Зара над Друццю”)
Поделиться:
У навейшай гісторыі Рэспублікі Беларусь першая мемарыяльная дошка памяці механізатара Васіля Кацяшова з’явілася 27 снежня 2012 года на будынку праўлення СВК “Кудзін”, што ў вёсцы Малы Кудзін Бялыніцкага раёна. Апоўдні на ўрачысты мітынг, прысвечаны гэтай знамянальнай падзеі, тут сабраліся родныя і блізкія Васіля Барысавіча, яго былыя паплечнікі, разам з якімі ён працаваў, члены праўлення кааператыва, ганаровыя госці.
- Васіль Кацяшоў сапраўды быў лепшым механізатарам гаспадаркі, -- зазначыў у прамове на мітынгу старшыня праўлення кааператыва Адам Сачыловіч. – Ён рана пайшоў з жыцця, але пакінуў аб сабе толькі добрую памяць. Школа земляроба Васіля Кацяшова – гэта ўзор самаадданай працы.
... Яго не стала 29 мая 2010 года, якраз напрыканцы веснавых палявых работ. У той жа год праўленне кааператыва па ініцыятыве яго старшыні заснавала штогадовую прэмію імя Васіля Кацяшова ў памеры 1000 долараў для лепшых працаўнікоў гаспадаркі. Яе лаурэатамі сталі ўжо шафёр Анатоль Гарбузаў і механізатары Дзяніс Астаф’еў і Віктар Старалаўнікаў. Неўзабаве было прынята рашэнне і аб устаноўцы мемарыяльнай дошкі на адміністрацыйным будынку сельгасарганізацыі.
- На прыкладзе Васіля Барысавіча сёння выхоўваецца новае пакаленне земляробаў, - гаворыць старшыня прафсаюзнага камітэта гаспадаркі Тамара Ларкова. – Такія яго рысы, як высокая адказнасць за даручаную справу, прафесіяналізм, сціпласць і таварыскасць толькі ўпрыгожваюць чалавека.
Удзельнікі мітынгу ўсклалі да мемарыяльнай дошкі Васіля Кацяшова жывыя кветкі. Ва ўрачыстасці прыняла ўдзел і выступіла з прамовай начальнік ідэалагічнага аддзела райвыканкама Ірына Фурсава.
(Васіль ДЗЕРАВЯШКА, “Зара над Друццю”)
![memdo_2012_1 memdo_2012_1](/data/images/memdo_2012_1.jpg)
![memdo_2012_1 memdo_2012_1](/data/images/memdo_2012_2.jpg)