Педагогі і вучні старэйшых класаў ДУА “Свяцілавіцкі вучэбна-педагагічны комплекс дзіцячы сад-сярэдняя школа” і ДУА “Сярэдняя школа №2” сталі ўдзельнікамі трэнінгу па пытаннях папярэджвання гандлю людзьмі, які арганізавалі для іх спецыялісты Магилёўскай абласной арганізацыі Чырвонага Крыжа.  Яго старшыня Андрэй Нікіцін прааналізаваў сітуацыю на Магілёўшчыне па пытаннях гэтага грубейшага парушэння правоў чалавека, паведаміў гісторыі ахвяр злачынства, спыніўся на заканадаўстве і сістэме работы па супрацьдзеянні гандлю людзьмі. Каардынатар абласной арганізацыі БТЧК Галіна Панцюшава пазнаёміла вучняў з методыкамі, якія прымяняюцца па прафілактыцы гэтай праблемы.