Версия для печати46,7 працэнтаў сёлетніх выпускнікоў школ Бялыніцкага раёна паступілі ў вышэйшыя навучальныя ўстановы. З 79 былых адзінаццацікласнікаў 21 будзе навучацца на платнай аснове, 58 выпускнікоў – за кошт бюджэтных сродкаў.
Згодна рашэння райвыканкама ў жніўні-лістападзе бягучага года на Бялыніччыне адбудзецца прызыў на тэрміновую ваенную службу, службу ў рэзерве грамадзян РБ, якія дасягнулі 18-гадовага ўзросту і не маюць права на адтэрміноўку ад прызыву, а таксама тых, хто страціў правы на адтэрміноўку.
Бронзавы прызёр Чэмпіянату Еўропы ў трайным скачку Аляксей Цапік стаў пераможцам на традыцыйным міжнародным турніры еўрапейскай серыі “Мемарыял Здэнка Хрбачка”, які праходзіў у Славакіі. Бялынічанін пераадолеў дыстанцыю ў 16 метраў 58 сантыметраў. Віншуем нашага земляка з чарговай перамогай на сусветных стартах!
Трохтысячны рубеж пераадолены Нават не зусім спрыяльнае надвор’е, якое ўсталявалася на пачатку тыдня, і вялікая канкурэнцыяне перашкодзіла ўборачнаму экіпажу СВК “Калгас “Радзіма” у складзе Мікалая Дарэчкіна і Аляксандра Казакова пераадолець трохтысячны рубеж па намалоце збожжа.
У мінулую пятніцу дэпутат Палаты прадстаўнікоў Нацыянальнага сходу Рэспублікі Беларусь Валерый Іваноў правёў прыём жыхароў раёна па іх асабістых пытаннях. Да яго па дапамогу звярнуліся сем чалавек. Трох наведвальнікаў хвалявала праблема льготнага крэдытавання будаўніцтва і рэканструкцыі індывідуальнага жылля.
