У спякотныя летнія дні ў вадзіцеляў пагаршаецца самаадчуванне, запавольваецца рэакцыя, зніжаецца ўвага, што негатыўна ўплывае на дарожную абстаноўку.
Каб пазбегнуць непрыемных выпадкаў, супрацоўнікі АДАІ РАУС арыентаваны на аказанне дапамогі ўдзельнікам дарожнага руху. Падчас патрулявання асаблівая ўвага будзе звернута на аўтамабілі, прыпаркаваныя на ўзбочынах дарог і ў якіх знаходзяцца людзі.
Настойліва рэкамендуем вадзіцелям у спякотныя дні б­ыць крайне ўважлівымі і асцярожнымі, асабліва, калі ў салоне аўтамабіля знаходзяцца дзеці. У выніку стомленасці неабходна спыніцца і адпачыць. Увогуле, у спякотныя дні паездкі лепш планаваць з раніцы ці ўвечары. Калі ж гэта немагчыма, то абавязкова трымайце ў машыне запас вады для піцця.