­У межах другога этапа рэспубліканскай прафілактычнай акцыi “Канікулы без дыма і агня” ратавальнiкi сумесна з БРСМ завiталi у дзіцячы аздараўленчы лагер з кругласутачным знаходжаннем, які функцыянуе на базе Старасельскага ВПК ДС ПШ.
Зусім нядаўна туды заехала другая смена ў складзе шасцiдзесяцi школьнiкаў. I, паколькi дзецi знаходзяцца там дваццаць чатыры гадзiны ў суткi, будынак павiнны цалкам адпавядаць  патрабаванням пажарнай бяспекi, а работнiкi лагера – у любую хвiлiну быць гатовымi да ўзнiкнення надзвычайнай сiтуацыi, незалежна ад яе складанасцi, i прыняць неабходныя меры па яе лiквiдацыi ў самы кароткi час.
Як распеваў начальнiк РАНС Вiталь Воранаў, на базе лагера створана добраахвотная пажарная дружына, у склад якой уваходзяць дзесяць чалавек.
-Гэта людзi, якiя ў выпадку ўзнiкнення пажару павiнны першымi забяспечыць выклiк пажарных падраздзяленняў, эвакуiраваць усiх, хто знахлдзiцца ўнутры будынка, i прыняць меры па першапачатковым тушэннi пажару да прыезду ратавальнiкаў, - дадаў Вiталь Валянцiнавiч.
Каб праверыць гатоўнасць членаў ДПД на практыцы, ратавальнiкi правялi з iмi вучэбную эвакуацыю з выклiкам пажарных. Рабяты жа ўвесь час з захапленнем сачылі за дзеяннямі пажарных.
Пасля эвакуацыi iнспектар ГПiУГ Кацярына Любiвая пагутарыла з рабятамi аб бяспецы ў лесе i на вадзе, разам з ёй рабяты вучыліся правільна выклікаць пажарных, паглядзелі некалькі тэматычных мульцікаў,  а потым адправіліся на вуліцу, дзе мерапрыемства працягнулася. Там рабяты змаглі трапіць у кабіну пажарнай машыны, пазнаёміцца з яе ўнутраным абсталяваннем. З задавальненнем прымяралі шлемы і маскі.
А завяршэннем мерапрыемства стала любімая дзіцячая забава, якая заўсёды выклікае ў маленькіх глядачоў вялікае задавальненне, – дэманстрацыя тушэння пажару.

Iнспектар ГПiУГ Бялыніцкага РАНС
Кацярына Любiвая