На пасяджэнні абмяркоўваліся праблемы і дасягненні сістэмы аховы здароўя Бялыніччыны мінулага года, былі  вызначаны перспектыўныя задачы на бягучы, 2013 год. У сваім выступленні галоўны ўрач ЦРБ Віктар Пянькоўскі адзначыў, што за апошнія гады ў раёне зроблен шэраг важкіх крокаў, накіраваных на павышэнне якасці медыцынскага абслугоўвання насельніцтва. Летась актыўна праводзілася мадэрнізацыя галіновых устаноў. Прыцягненне спонсарскіх сродкаў і максімальнае выкарыстанне ўнутраных рэсурсаў дазволіла значна палепшыць матэрыяльна-тэхнічную базу раённай бальніцы.
На сённяшні дзень у сферы аховы здароўя Прыдрутчыны  праводзіцца эфектыўная работа па павышэнні кадравага патэнцыялу, барацьбе з сацыяльна значнымі захворваннямі, паляпшэнні дэмаграфічнай сітуацыі. Сярод намечаных задач – інтэнсіфікацыя работы медыцынскіх устаноў у сельскай мясцовасці, стацыянарных аддзяленняў і наркалагічнай службы, укараненне новых высокатэхналагічных відаў медыцынскай дапамогі.
Намеснік старшыні райвыканкама Надзея Серыкава прааналізавала існуючыя праблемы і станоўчыя моманты развіцця сістэмы аховы здароўя раёна. Яна пажадала медыцынскім работнікам не спыняцца на дасягнутым і прадоўжыць распачатую справу па паляпшэнні якасці абслугоўвання насельніцтва Прыдруцкага края.  
    Па добрай традыцыі ў завяршэнні пасяджэння адбылася цырымонія ўзнагароджвання, падчас якой былі ўшанаваны лепшыя работнікі сферы. Так, за дясягнутыя поспехі ў 2012 годзе Ганаровай Граматай Упраўлення аховы здароўя Магілёўскага абласнога выканаўчага камітэта адзначана загадчыца аддзялення  анастазіялогіі і рэанімаццыі ЦРБ Святлана Казакевіч, грашовай прэміяй – старшая медыцынская сястра раённай палікліннікі Наталля Цітаўцова. Па выніках агляду-конкурсу сярод структурных падраздзяленняў за павышэнне якасці культуры і аказання медыцынкай дапамогі, па выкананні паказчыкаў мадэлі канчатковых вынікаў за 2012 год першае месца прысуджана калектыву хірургічнага аддзялення, другое – тэрапеўтычнага, трэцяе – дзіцячага. Сярод сельскіх устаноў аховы здароўя пераможцамі сталі работнікі Запольскай, Нежкаўскай і Галоўчынскай урачэбных амбулаторый. Сярод фельчарска-акушэркіх пунктаў лепшым прызнаны калектыў Свяцілавіцкага ФАПа, дугімі і трэцімі прызёрамі адпаведна сталі медыкі Ланькаўскага і Кудзінскага ФАПаў.