Пераможцам сярод працоўных калектываў з колькасцю ад 300 чалавек і болей прызнана БУКП “Жылкамгас” (дырэктар Віктар Івулёў, намеснік па ідэалагічнай рабоце Мікалай Сыцэвіч). Лепшай арганізацыяй з колькасцю працоўных ад 50 да 300 чалавек стала ДЭУ № 74 РУП “Магілёўаўтадар” (дырэктар Віктар Лемешаў, адказны за арганізацыю ідэалагічнай работы Андрэй Коласаў).
Не было роўных у дадзеным аглядзе-конкурсе сярод арганізацый сацыяльна-культурнай сферы калектыву ДУА “Яслі-сад №2 г.п. Бялынічы” (загадчыца Ала Вяршыла).
Лепш за ўсіх працуе па ідэалагічным накірунку сярод сельгаспрадпрыемстваў СВК “Калгас “Радзіма” (старшыня праўлення Аляксандр Лапацентаў, намеснік па ідэалагічнай рабоце Міхаіл Скусаў).
Сярод сельвыканкамаў перамогу святкаваў Галоўчынскі сельскі Савет (старшыня Пётр Міхалькоў).
Пераможцы ўзнагароджваюцца дыпломамі райвыканкама, кіраўнікі і намеснікі па ідэалагічнай рабоце – грашовымі прэміямі.