Сталі вядомы імёны пераможцаў першынства раёна па валейболе памяці Героя Савецкага Саюза Леаніда Лорчанкі. На працягу тыдня аматары гэтага віду спорту на пляцоўцы ФАК “Друць” правялі нямала відовішчных і напруджаных гульняў.
У выніку, пераходзячы кубак і грамату пераможцы заваявалі прадстаўнікі прадпрыемства “Жылкамгас”. На другую прыступку п’едэсталу гонару ўзняліся валейбалісты раёна электрычных сетак. Трэцімі сталі спартсмены аддзела адукацыі райвыканкама. Апроч таго, дружына ЦРБ удастоена дыплома “За волю да перамогі”.