У рамках традыцыйнай круглагадовай спартакіяды прайшлі спаборніцтвы па шашках сярод кіруючага звяна арганізацый, прадпрыемстваў і гаспадарак Бялыніччыны.
У выніку, мацнейшай у турніры сярод жанчын аказалася намеснік дырэктара цэнтра фізкультурна-аздараўленчай і спартыўнай работы па асноўнай дзейнасці Таццяна Чарнова. Другім прызёрам стала намеснік дырэктара Бялыніцкай дапаможнай школы-інтэрната для дзяцей сірот і дзяцей, якія засталіся без апекі бацькоў, па выхаваўчай рабоце Алеся Агароднікава. Трэцяе месца заваявала намеснік дырэктара гэтай жа ўстановы па вучэбнай рабоце Людміла Койда. Сярод мужчын лепшы вынік паказаў галоўны ўрач ЦРБ Віктар Пянькоўскі. У кроку ад яго спыніўся старшы ўчастковы інспектар ІПСН РАУС Ігар Гуз. На трэцяй пазіцыі ў турнірнай табліцы замацаваўся намеснік дырэктара “Жылкамгаса” па вадаправодна-каналізацыйнай гаспадарцы Генадзь Харытонаў.