Завяршылася абласная спартакіяда сярод работнікаў арганізацый ААТ “Упраўляючая кампанія холдынгу “Магілёўводбуд”. Удзел у ёй парынялі 9 галіновых устаноў Магілёўшчыны, у тым ліку і ААТ “ПМК – 83 “Водбуд” Бялыніцкага раёна. За званне пераможцы спартсмены змагаліся ў спаборніцтвах па валейболе, настольным тэнісе, шахматах і шашках, гіравым спорце, дартсу, кулявой стральбе, перацягванні каната.
У выніку напружанай барацьбы нашы землякі сталі другімі прызёрамі ў агульнакамандным заліку. Апроч таго, лепшым майстром малой ракеткі прызнана маляр Валянціна Савельева. Сярод гіравікоў першае месца заваяваў прараб Сяргей Бусел, другое – падсобны рабочы Аляксандр Евянкоў.