Завяршыўся чарговы этап традыцыйнай круглагадовай спартакіяды сярод кіруючага звяна арганізацый, прадпрыемстваў і гаспадарак раёна – спаборніцтвы па кулявой стральбе.
Сёлета ў гэтым відзе спорту сярод мужчын не было роўных намесніку начальніка РАУС па ідэялагічнай рабоце Дзмітрыю Алянюку. Другім прызёрам стаў намеснік дырэктара “Жылкамгаса” па вадаправодна-каналізацыйнай гаспадарцы Генадзь Харытонаў. Трэцяе месца прысуджана старшаму дзяржаўтаінспектару аддзялення Дзяржаўтаінспекцыі РАУС Сяргею Жарноўскаму. Сярод жанчын мацнейшай аказалася намеснік дырэктара цэнтра фізкультурна-аздараўленчай і спартыўнай работы па асноўнай дзейнасці Таццяна Чарнова. У кроку ад яе спынілася галоўны бухгалтар ПЛ №17 Алена Грыневіч. Трэці вынік паказала намеснік дырэктара ПМК-241 па ідэялагічнай рабоце Таццяна Лісоўская.