З мэтай узмацнення ролі публічных бібліятэк у фарміраванні нацыянальнай свядомасці насельніцтва, распаўсюджвання ідэі беларускасці, прапаганды нацыянальнай спадчыны, гісторыі, літаратуры, мовы, народнай культуры Мінстэрства культуры штогод праводзіць рэспубліканскі конкурс «Бібліятэка – асяродак нацыянальнай культуры».
Па выніках ХХІ конкурсу «Бібліятэка – асяродак нацыянальнай культуры» за 2012 год у намінацыі «За навацыі ў галіне бібліятэчнай справы» першая прэмія прысуджана Галоўчынскай сельскай бібліятэцы-філіялу №12 аграгарадка Галоўчын (загадчыца Г.В.Драчыкава, бібліятэкар І.В.Траццякова) за стварэнне электроннай Кароткай краязнаўчай энцыклапедыі Галоўчынскай зямлі.