Падчас правядзення лесапасадачных работ у лясным масіве на тэрыторыі Бялыніцкага лясніцтва былі знойдзены рэчы перыяду Вяліка­й Айчыннай вайны: медальён, стралковая зброя, граната, камандзірская сумка, компас, асабістыя рэчы вайскоўцы. Як мяркуецца, іх уладальнікам быў артылерыст, палітрук.
    Днямі на месцы знаходкі раскопкі правялі байцы 52-га асобнага спецыялізаванага пошукавага батальёна Міністэрства абароны Рэспублікі Беларусь. Дадаткова былі адшуканы фрагменты абмундзіравання і патроны.
­