Чарговае пасяджэнне раённага выканаўчага камітэта адбылося ў Бялынічах. Адно з галоўных пытанняў, якія стаялі на павестцы дня, датычылася гатоўнасці матэрыяльна-тэхнічнай базы сельскагаспадарчых арганізацый раёна да ўборкі ўраджаю 2013 года. У сваім выступленні начальнік упраўлення сельскай гаспадаркі і харчавання райвыканкама Аляксей Цапко паведаміў, што ў бягучым годзе сельгасарганізацыям Бялыніччыны неабходна ўбраць 16 299 гектар зерневых і зернебабовых культур. Для гэтых мэт маецца 67 зернеўборачных камбайнаў. Пры гэтым нагрузка на 1 камбайн складае 243 гектары. Калі ў сярэднім у дзень прадукцыйнасць аднаго камбайна  будзе на ўзроўні 10 гектар, пры спрыяльных умовах надвор’я ўборка зерневых прадоўжыцца 24 дні.
Аляксей Іванавіч адзначыў, што работы па падрыхтоўцы зернеўборачных камбайнаў, зернесушыльнай гаспадаркі, машын па ўборцы саломы і іншай сельскагаспадарчай тэхнікі ў большасці выпадкаў вядуцца не на належным узроўні. У прыватнасці, павольнымі тэмпамі ідзе рамонт зернесушыльнай гаспадаркі ў СВК “Ількавічы”, “Лебядзянка” і ААТ “Бялыніцкае райаграпрамтэхзабеспячэнне”. Адбываецца гэта з-за нізкай арганізацыі рамонту і недахопу сродкаў на набыццё запчастак.
Кіраўнік раёна Аляксандр Варонін падкрэсліў: падрыхтоўка матэрыяльна-тэхнічнай базы да правядзення ўборкі ўраджаю павінна быць завершана ва ўсіх сельгасарганізацыях Бялыніччыны да сярэдзіны ліпеня. Уборачную кампанію неабходна правесці своечасова, максімальная якасна і без страт.