У апошнюю нядзелю чэрвеня жыхары Бялыніччыны весела адзначылі Дзень моладзі. У парку-адпачынку «Ліпавы Гай» сабраліся ўсе тыя, хто не толькі малады ўзростам, але і душой.
Падчас святкавання адбылася цырымонія ўзнагароджвання лепшых маладых работнікаў Прыдрутчыны. Хлопцы і дзяўчаты адзін за адным падымаліся на сцэну, каб атрымаць заслужаныя ўзнагароды ад раённага выканаўчага камітэта, райкама ГА «БРСМ», раённай арганізацыі Рэспубліканскага грамадскага аб’яднання «Белая Русь», кіраўніцтва арганізацый, прадпрыемстваў і гаспадарак, у якіх шчыруюць. Весела і цікава было ў гэты вечар у «Ліпавым Гаі»: працавалі дзіцячыя пляцоўкі, гандлёвыя кропкі, бадзёры настрой прысутных падтрымлівалі выступленні мясцовых самадзейных артыстаў. Свята маладосці атрымалася на славу!