Па ініцыятыве райкама ГА “БРСМ” на Бялыніччыне праходзіць дабрачынная акцыя “З добрым сэрцам у школу”, якая працягнецца да 25 жніўня.
Галоўная мэта акцыі – падтрымка і падрыхтоўка да новага навучальнага года дзяцей з мнагадзетных і малазабяспечаных сем’яў. Кожны з нас можа зрабіць прыемны сюрпрыз школьнікам. Для гэтага дастаткова купіць любыя канцылярскія прыналежнасці і прынесці іх у раённую арганізацыю БРСМ, што знаходзіцца па адрасе: вул. Савецкая, 27, другі паверх. Усе сабраныя ў ходзе акцыі падарункі ва ўрачыстай абстаноўцы будуць уручаны дзецям.